龔琳娜

出自維基百科,自由嘅百科全書
Jump to navigation Jump to search
龔琳娜
女歌手
國籍 中華人民共和國 中華人民共和國
出世 (1975-08-01) 1975年8月1號(44歲)
Flag of the People's Republic of China.svg 中國貴州貴陽
職業 民族音樂歌唱家
教育程度 中國音樂學院畢業
配偶 老鑼
音樂類 中國新藝術音樂
活躍年代 1999年-而家
網站 http://www.gonglinna.org/ 個人官方網站

龔琳娜粵拼gung1 lam4 naa4簡化字龚琳娜英文Gong Linna1975年8月1號—),貴州貴陽人,中國民族音樂女高音歌唱家,攞過中國中央電視台全國青年歌手電視大獎賽民族唱法專業組銀獎[1]。2010年因演唱《忐忑》嘅視頻喺網絡上流傳。2012年12月先推出新歌《法海你不懂愛》同《金箍棒》。

生涯[編輯]

早年[編輯]

龔琳娜5歲上台唱歌;7歲時,跟「貴陽苗苗藝術團」喺全國巡演;12歲,就代表「中國少兒藝術團」去法國演出。[1]

1992年,佢考入中國音樂學院附屬中學,跟鄒文琴教授學習民族聲樂拜師,之後升入中國音樂學院。鄒文琴嘅教學方法開明,畀龔琳娜保持真聲,仲學唱各地戲曲,[2] 大學期間佢攞咗文化部「民歌狀元」稱號。[3][1]

步入音樂界[編輯]

1999年大學畢業後,佢考入中央民族樂團,做獨唱演員。2001年,出個人首張專輯《孔雀飛來》。嗰張專輯攞過「中國廣播新歌金獎」、「中華民歌廣播大擂台十大金曲」、同「中國民歌排行榜第一名」。[4][1]

活躍歐洲[編輯]

跟佢個人嘅講法,2002年因為唔想做「晚會歌手」,「千人一聲」嘅模式同套路,都無法忍受國內音樂界濃重嘅咪咀氛圍,而離開中國去歐洲發展。[1][2][5]。之後,住喺德國嘅龔琳娜活躍於歐洲世界音樂嘅舞台。2002年—2008年,佢同老公、對中國音樂幾有研究嘅音樂制作人、作曲家、德國人老鑼合作,錄咗《五行—琉璃光》、《走生命的路》、《靜夜思》、《走西口》同《弦歌清韻》等五張唱片唱片。[4] 喺歐洲期間,佢受過德國「TFF RUDOLSTADT」音樂節、芬蘭民族音樂節、法國世界音樂節、比利時歐羅巴藝術節等國際音樂節邀請,搞過幾場獨唱音樂會。2009年,攞咗歐洲「聆聽世界音樂」最佳演唱大獎。評審會評價佢係中國新藝術聲樂嘅開拓者。[6]

單曲《忐忑》[編輯]

忐忑》,係佢個人第四張專輯《靜夜思》入面嘅一首原生態歌曲。佢係「2010年北京新春音樂會」上唱嗰首歌嘅視頻,喺同年5月被網友上傳到人人網。視頻入面無歌詞嘅咿呀演唱,同佢演唱時誇張投入嘅表情,令佢喺網上迅速傳播,並被網友封做「神曲」。[7] 喺呢幾個月入面,視頻被播咗10萬次,仲有無數網友、甚至一啲名人爭住學同模仿。[8][1]

憑住《忐忑》,龔琳娜嘅知名度迅速提升,一時間武漢、天津邀請佢搞咗個人作品音樂會,湖南衛視山東電視台北京電視台請佢出席演唱會。2010年10月,闊別中國8年嘅龔琳娜舉家回國定居[2]

《法海你不懂愛》、《金箍棒》[編輯]

2012年—2013年新舊歲交替佢係跨年晚會嘅《法海你不懂愛》,所出新歌因歌詞同表演被指戲謔佛教,被佛教界嚴正抗議同要求致歉,被叫做法海事件[9][10][11][12][13]

《全能星戰》[編輯]

2013年夏天,佢參加音樂類節目《全能星戰》。首場唱搖滾版歌鄧麗君王菲名曲《明月幾時有》受到熱議同關注。[14][15] 而喺後幾場入面,佢依次演唱雲南民歌《小河淌水》、瑪麗蓮夢露經典曲目《I Want Be Loved By You》、戲曲串燒《忐忑》、王菲《致青春》、周傑倫《雙截棍》等曲目,直到2013年11月22號嘅節目唱原創作品《山中問答》同周傑倫《迷叠香》後遭到淘汰[16]。其中,《小河淌水》同戲曲串燒《忐忑》有較大嘅關注同好多好評[17][18]

歌手2019[編輯]

2019年3月,加盟湖南衛視歌手2019》、為終極補位歌手,喺第四輪踢館賽遭到淘汰,之後喺突圍賽演唱《青藏高原》以第三名突圍成功,喺4月12號未能晉級總決賽第二輪。

歌手2019 龔琳娜競演排名
期數 輪數 播出日期 演唱歌曲 原唱 歌曲介紹 排名 得票率 出場序 備註
10 第四輪排位賽 3月15號 《小河淌水》(國語) 雲南民歌 詞/曲:尹宜公
編曲:老 鑼
1 20.340% 8 個人最高排名同得票率
11 第四輪踢館賽 3月22號 《庭院深深》(國語) 龔琳娜 詞:歐陽修
曲/編曲:老 鑼
7 8.865% 3 個人最低排名同得票率
12 突圍賽 3月29號 青藏高原》(國語) 李 娜 詞/曲:張千一
編曲:老 鑼
3 16.81% 4 突圍成功
13 金典歌王衝刺夜 4月5號 一千個傷心的理由》(國語) 張學友 詞:邢增華
曲:李偲菘
編曲:老 鑼
2 助演嘉賓:曾一鳴
14 總決賽第一輪 4月12號 《武魂》(國語) 龔琳娜 詞:項 羽賀 鑄
曲/編曲:老 鑼
前七強 1 幫唱嘉賓:石倚潔、王珮瑜

家庭[編輯]

佢同最初嚟中國學習古琴嘅德國音樂人老鑼(Robert Zollitsch)喺2004年2月結婚,並生咗兩個仔海酷、雅酷[19]

參考[編輯]

  1. 1.0 1.1 1.2 1.3 1.4 1.5 李佳蔚 (2013-04-07). "龔琳娜:我不想再被控制". 中國周刊. 原著喺2013-11-02歸檔. 喺2013-11-02搵到. Unknown parameter |dead-url= ignored (help) 互聯網檔案館歸檔,歸檔日期2013-11-02.
  2. 2.0 2.1 2.2 孟靜   (2011-01-03). 「神曲」《忐忑》和它背後的故事   ( ). 三聯生活周刊  . p. 第135頁.CS1 maint: unrecognized language (link)
  3. "龔琳娜《忐忑》走紅網絡 王菲也想要翻唱(圖)". 新浪網-重慶商報. 2010-10-19. 喺2010-10-28搵到.
  4. 4.0 4.1 "龔琳娜出版唱片介紹". 龔琳娜官網—中國新藝術聲樂. 原著喺2011-01-26歸檔. 喺2011-01-11搵到. 互聯網檔案館歸檔,歸檔日期2011-01-26.
  5. "原唱解讀"神曲":《忐忑》能呼喚大家的生命力". 網易娛樂. 2010-10-28. 喺2011-01-11搵到.
  6. "WORLD OF MUSIC AWARDS - Winner" (英語). www.wearelistening.org. 原著喺2013-11-02歸檔. 喺2011-01-11搵到. Unknown parameter |dead-url= ignored (help)CS1 maint: unrecognized language (link) 互聯網檔案館歸檔,歸檔日期2013-11-02.
  7.   (2010-10-23). ""神曲"《忐忑》網絡爆紅 王菲翻唱失敗"投降"  ". 中國新聞網-長江日報. 喺2010-10-28搵到.
  8. "網友爭相翻唱《忐忑》 原唱龔琳娜拋出"秘訣"". 國際在線-廣州日報. 2011-01-05. 喺2011-01-11搵到.
  9. "龔琳娜戲謔佛教跌破娛樂"道義"底線  ". 鳳凰網. 2011-02-01. 喺2013-02-24搵到.
  10. "學者金易明教授向"娛樂無底線"說"不"    ". 鳳凰網. 2011-01-25. 喺2013-02-24搵到.
  11. "一位僧人眼中的《法海你不懂愛》". 鳳凰網. 2011-01-18. 喺2013-02-24搵到.
  12. "還"法海"清白不是小題大做". 鳳凰網. 2011-01-18. 喺2013-02-24搵到.
  13. "龔琳娜戲謔佛教再"毀三觀" 媒體難逃其咎". 鳳凰網. 2011-02-17. 喺2013-02-24搵到.
  14. "《全能星戰》龔琳娜墊底被批偽搖滾". ent.sina.com.cn.
  15. "《全能星戰》搖滾場開戰 龔琳娜墊底痛哭". ent.sina.com.cn.
  16. "《全能星戰》龔琳娜PK陶喆失敗被淘汰". ent.sina.com.cn.
  17. "全能星戰順子淘汰 龔琳娜逆襲獲最高分". ent.sina.com.cn.
  18. "龔琳娜《忐忑》串燒五大戲曲 成大贏家". ent.sina.com.cn.
  19. ""忐忑"後還有更神的?龔琳娜攜"第二神曲"亮相  ". 鳳凰網-北京晚報. 20101-1-11. 喺2011-01-11搵到. Check date values in: |date= (help)

出面網頁[編輯]