民歌

Eivør Pálsdóttir（丹麥嘅民歌現場）

民歌（folk song）係指民間音樂當中嘅歌（有人聲負責唱嘅音樂）。一般嚟講，歐美地區嘅民歌用木結他、口琴同小提琴等嘅原聲樂器比較多，好少可用電聲嘅樂器，而且喺音樂性嚟講，會比較輕；民歌通常好重視歌詞，有啲歌詞可以當作詩歌嚟睇，用口語化嘅語言寫嘅都有。

民歌喺1960年代喺啲英文地區得到好大嘅發展，亦都喺成個西方文化史入邊扮演咗無可代替嘅地位。有代表性嘅人物有Woody Guthrie、Bob Dylan、皮特西格、Joan Baez、約翰丹佛、西蒙和加芬克爾同彼得、保羅與瑪莉，佢哋喺1960年代上下作啲，有好多成為咗經典，到而家啲人都冇忘記到，比如話Blowin' in the Wind、寂靜之聲、斯卡布羅集市、Vincent等等。

1970年代台灣興起民歌運動風潮，產生咗唔少用中文寫嘅民歌，而喺中國大陸，就到咗1990年代亦都有過民歌嘅風潮，佢哋稱之為民歌或校園民歌。民歌風潮對中文樂界都有唔細嘅影響。

香港亦有本土嘅民歌風格歌手有許冠傑同區瑞強等，亦有好多翻唱英文民歌嘅歌手。