許冠傑

出自維基百科，自由嘅百科全書
Jump to navigation Jump to search

許冠傑（粵拼：heoi2 gun3 git6，1948年9月6號—），英文名Samuel Hui，所以又叫阿Sam，係20世紀70年代香港有名歌手、喜劇演員，有「歌神」之稱。

屋企[編輯]

許冠傑響廣東廣州出世，鄉下喺廣東番禺，有兄弟許冠文、許冠武、許冠英。許冠傑細個就成家落咗來香港。佢有兩個仔，許懷欣同許懷谷。

事業[編輯]

同另外兩位致力電影事業嘅兄弟許冠文、許冠英唔同，許冠傑專注唱歌。響聖芳濟書院（初高中）、英華書院（預科）同香港大學社會學畢業，許冠傑早年係蓮花樂隊（The Lotus、前身為Bar Six）主音歌手，樂隊其他成員有張浚英（鼓手）、蘇雄（低音結他）、李松江（旋律結他）同周華年（主音結他）。樂隊被迫解散之後，開始獨立發展，1972年同埋許冠文喺香港無線電視（TVB）《雙星報喜》節目裏面，以一曲《鐵塔凌雲》，成為香港粵語流行曲嘅『開山祖師』。

許冠傑部份嘅歌改編西方流行音樂，亦有唔少係原創。20世紀70年代至80年代初嘅作品，好多都係同黎彼得合作填詞，內容主要反映香港市民日常生活以及嗰陣嘅社會現狀，諷刺時弊；歌詞多數用廣東話填寫，唱起嚟非常之順口，加上喺嗰陣建濟起飛，唱出唔少升斗市民嘅日常瑣事同埋心事，所以廣泛流傳，好似《半斤八兩》、《賣身契》、《鬼馬大家樂》等等。佢嘅歌詞同旋律樂觀積極，至今仍然為人所津津樂道。

20世紀80年代中期，許冠傑由寶麗金唱片公司轉到康藝成音唱片公司，正值嗰陣香港嘅「偶像派」開始崛起，而70年代嘅「早期實力派歌手」（包括許冠傑），因為年紀較大，同埋香港流行樂壇整體嘅氣候、價值觀嘅改變，所以開始失去年青人市場。許冠傑喺形象上，作出咗新嘗試，並加入80年代嘅搖滾元素，脫離咗寶麗金時代嘅「鬼馬形象」，但有人形容佢呢次嘅改變唔討好。

許冠傑亦參演過電影，好似佢同許冠文合作嘅《鬼馬雙星》（1974年）、《天才與白痴》（1975年）、 《半斤八両》（1976年）、《賣身契》（1978年）、《摩登保鏢》（1981年）。1982年許氏兄弟拆擋。許冠傑之後参演紅到極嘅《最佳拍檔》系列。

許冠傑1992年初宣佈退休，其間亦有客串喺私人場合、舞台劇《仲夏夜狂想曲》（1999年2月）同埋電影《大贏家》（2000年1月）中表演，嗰陣亦有傳佢復出，之後證實係謠言。2003年，香港有幾個大明星過身，又爆發SARS，許冠傑於是喺2004年初復出，寫咗《04祝福你》喺3月播出，幫香港人打氣，為復出打開序幕；復出後喺香港紅館舉行48場「繼續微笑」演唱會，之後喺內地多個城市巡迴演唱，2005年尾至2006年1月喺美加多個城市巡迴演出。

2020年4月，許冠傑久休復出，喺尖沙咀舉辦免費直播音樂會，為受武漢肺炎疫情影響嘅通利前員工同埋港人打氣。[1]

唱片[編輯]

廣東專輯[編輯]

英文專輯[編輯]

電影[編輯]

參考[編輯]

  1. ↑ 評論編輯室 (2020-04-14). "許冠傑演唱觸發文化論爭 藍黃標籤何時了？". 香港01 (中文). 喺2020-04-15搵到.

睇埋[編輯]

出面網頁[編輯]

由「https://zh-yue.wikipedia.org/w/index.php?title=許冠傑&oldid=1413111」收