林子祥

出自維基百科,自由嘅百科全書
跳去: 定向搵嘢
林子祥
George lam.jpg
男歌手
英文名 George lam
花名 阿Lam
國籍 Flag of Hong Kong.svg 香港
出世 (1947-10-12)1947年10月12號
 英屬香港
配偶 吳正元(1980年結婚;1994年離婚)
葉蒨文(1996年結婚)
活躍年代 1978年至今
網站 www.georgelam.net

林子祥George Lam1947年10月12號—),花名叫阿Lam,係香港嘅1980年代創作男歌手同埋演員。

佢作過好多歌,而嗰啲歌好多都稱得上係經典,好似《分分鐘需要你》、《在水中央》等。

生平[編輯]

林子祥祖籍廣東新會,喺香港出世,係香港樂壇最傑出嘅歌手之一。佢而家嘅老婆係葉蒨文,佢個仔係新晉歌手林德信,係佢同前妻所生。2010年入選全球華人音樂殿堂華語金曲獎「30年經典評選」,獲評為香港樂壇最強音。佢除咗有廣闊嘅音域之外,亦具備獨一無二冇得比嘅演繹方法。

佢有動力強勁的「天生奇喉」,音域非常之闊。佢天生有一副極具衝擊力同爆破力嘅嗓音,換句話說即係歌喉特別「嗆」,幾乎係跟唔到。林子祥有一個男中音應有嘅全部,又喺高­音區延伸上去一大截,可以唱到高音區都比唔上佢嘅飽滿有力。佢嘅高音區極限曾經去到 E5 或 F5(比中央C 高八度)。一般歌手都係用假音拉上去,有啲有實力歌手即使係用真音拉到高音區,嗓音都會變得尖細單調,好難好似林子祥噉樣即使將高音拉到極限都依然充滿氣勢。

林子祥讀過德信學校、拔萃男書院(喺該校選修法文)及英國多佛貴族學院(Dover College),據悉林子祥未成為歌手之前喺美國係一位網球教練;學生時期組織過樂隊,1976年推出首張英文專輯《Lam》,其後推出過多張廣東專輯。佢亦拍過多部電影,包括《投奔怒海》、《貓頭鷹與小飛象》、《三人世界》等。1983年,佢憑電影《投奔怒海》中嘅精湛演出,獲提名第二屆香港電影金像獎最佳男主角。亦曾經喺無綫電視同汪明荃合作拍攝《不是冤家不聚頭》、《四季情》等電視劇集。佢作風低調,有「歌隱」之名,畀人沉默寡言嘅感覺,最令人印象深刻就係佢1976年開始留嘅鬚。

1980年,佢憑《在水中央》同埋《分分鐘需要你》兩首歌喺第三屆十大中文金曲頒獎音樂會連攞兩個金曲獎,成為當年嘅大贏家,奠定佢天王巨星嘅地位。

1981年,再憑改編歌《三人行》而為人熟悉。(改編自美國1960年代紅極一時嘅民謠組合Peter, Paul and Mary經典歌《The unicorn song》)

1986年,憑電影《最愛》主題曲《最愛是誰》奪得《香港電影金像獎》最佳原創歌曲,自此佢成為樂壇頒獎禮嘅常客。

1994年舉行嘅香港電台第十七屆《十大中文金曲頒獎音樂會》,林子祥獲頒「香港樂壇最高榮譽──金針獎」。2003年,林子祥獲得CASH音樂成就大獎,係首位唱作人得到呢個殊榮。

林子祥係創作歌手,識得彈結他同埋鋼琴。佢作過多首名曲,包括《分分鐘需要你》、《幾段情歌》、《海市蜃樓》、《在水中央》、《追憶》、《誰能明白我》、《這一個夜》、《敢愛敢做》、《真的漢子》、《似夢迷離》等。此外佢亦多次作出創新突破嘅嘗試。1985年林子祥名曲《每一個晚上》,正係由兩首中西樂曲(安德魯·勞埃德·韋伯創作嘅音樂劇《貓》嘅樂曲《Growltiger's Last Stand》同埋黃自為白居易《花非花》譜曲嘅同名作品)拼合而成,而不着痕跡,渾然天成。同年,佢將二十首當時得令嘅流行作品,以高超嘅編曲技巧組織起來,做出《十分十二寸》呢首經典串燒歌,可謂前無古人,更牽起一片串燒歌熱潮,後來周潤發、朱咪咪、古巨基亦用過類似形式製作串燒歌。呢兩首歌都得到當年年終樂壇頒獎禮嘅評審賞識,林子祥憑前者獲頒1985年度十大中文金曲金曲獎,後者獲頒1985年度十大勁歌金曲金曲獎。

2013年,佢為無綫電視劇集《衝上雲霄II》創作主題曲,八十年代嘅曲風同唱腔,初時顯得同套劇格格不入而引致劣評如潮,民意紛紛要求用返第一輯嘅《歲月如歌》。但冇幾耐,好多觀眾喺無綫電視討論區反映聽多幾次首歌之後就覺得好好聽,所以首歌好定唔好重未有定論。

綜觀整個八十年代,佢23首歌曲登上香港電台中文歌曲龍虎榜冠軍位置,僅次於譚詠麟嘅28首。佢亦係眾多演藝界人士嘅偶像或最喜愛歌手,包括徐小鳳、梅艷芳、張國榮、黃耀明、劉德華、李克勤、陳奕迅等等。

唱片[編輯]

粵語專輯[編輯]

英文專輯[編輯]

國語專輯[編輯]

創作嘅歌[編輯]

  • 1977年 Lam II —— Boring Love、Up-Down(作曲、填詞)
  • 1978年 各師各法 —— 三個願望、確係愛悶
  • 1979年 抉擇 —— 點解娶老婆
  • 1980年 摩登土佬 —— 分分鐘需要你、愛的美敦書、願愛得浪漫、廣告廣告
  • 1980年 一個人 —— 在水中央、她的歌聲、執到寶、轉轉轉
  • 1981年 林子祥精選 —— 愛的種子
  • 1981年 活色生香 —— 活色生香、究竟天有幾高、再生人、沙漠小子、有句話、七月初七、走馬燈、可以不可以
  • 1982年 海市蜃樓 —— 海市蜃樓、今天開始、幾段情歌
  • 1983年 愛情故事 —— 小男人主義、懶舒服、熱血青年、阿喲心聲、巴黎街頭
  • 1984年 愛到發燒 —— 邁步向前、我偷望你偷看、石像
  • 1984年 林子祥創作歌集 —— 水仙情、師傅教落、紅日豐收、再見楊柳、跳躍太陽下、誰能明白我、心肝寶貝、追憶、床上的法國煙、此情可待、說聲珍重
  • 1985年 林子祥85特輯(LAM '85)—— Moments(作曲、填詞)、仍然記得個一次、零時十分、星光的背影
  • 1985年 誘惑 —— 這一個夜、千枝針刺在心、為誰忙
  • 1986年 最愛 —— Ah Lam日記(唯一粵語填詞作品)、曾經、冷冰冰的形象、一個早上
  • 1986年 千億個夜晚 —— 風雨故人來、單身女人、今生以後
  • 1987年 花街70號 —— April(作曲、填詞)、似曾相識
  • 1988年 林子祥創作+流行歌集 —— 每夜唱不停、雨點、昨日街頭、幻覺、Talking About(作曲、填詞)
  • 1988年 生命之曲 —— 誰為你、真的漢子、三心一意、今晚可有空
  • 1989年 長青歌集 —— 勝敗之間、矛盾
  • 1990年 十三子祥 —— 似夢迷離、一切O.K.
  • 1990年 日落日出 —— 日落日出
  • 1990年 Lessons —— Without The 2 Of Us、Tennis Nemesis、Sabbatical、He Said、Talking About、Lessons、April、Three Wishes、Boring Love、It's Only Goodbye(所有歌曲包辦作曲填詞)
  • 1991年 小說歌集 —— 懷念這深深一吻、怎麼可以沒有你、原來沒有你是這樣
  • 1991年 這次你是真的傷了我的心(國語)—— 不要笑我痴、當時年紀小、這次你是真的傷了我的心、戀愛無所不在、回首夢已遠
  • 1992年 我這樣愛過你(國語)—— 夜、Three Wishes(作曲、填詞)、聲聲問、願今宵永在夢裏
  • 1992年 祈望 —— 祈望、一笑置之、急促的心跳、如風如煙
  • 1992年 最難忘的你 —— 將心意盡訴、獨自暢飲、人海中一個你
  • 1993年 林子祥93創作歌集 —— 交出一切、你心有我、終生伙伴、我的一生、歸向平淡、偶像、你令我找到自己、愛偏要別離、曾經滄海、舊居中的鋼琴、一團和氣
  • 1993年 決定(國語)—— 那年冬天、注定多情、愛你到此為止
  • 1994年 單手拍掌 —— 你是朋友、不可能沒有你、我走我路、今天的一切、單手拍掌、在這世界有你最好、無愧於心、小屋的風雨
  • 1995年 感謝(國語)—— 回首來時路、情關、在水中央、無言的愛
  • 1996年 緣是這樣 —— 十八變、我以你自豪、緣是這樣、快樂的真相、十分鐘意、有情天地、感激
  • 1997年 好氣連祥 —— 擁抱、愛情、人間好漢、最遠偏偏最近、谷爆、知己
  • 1998年 現代人新曲+精選 —— 現代人、百年之癢、簡簡單單、醉一半
  • 1998年 尋祥歌(國語)—— 夜歸的男人、最愛的人不是我、貪戀、千言萬語都是愛、自在、傷口還在、為自己鼓掌、越愛越沉默、快樂歌、狂歡
  • 2001年 只有林子祥 —— 只有夢長、萬里天風伴我飛、我好想、愛與被愛
  • 2004年 Until We Meet Again —— Until We Meet Again、美而廉、講笑、我們笑(國語)
  • 2007年 佐治地球轉 —— 常在我心中、Angel、自由行、流離半世、林振祥、Through Your Eyes(作曲、填詞)、前世、問天不應、很多很多、誰都可以(作曲,同潘源良合作填詞)、腹語、我的秘密(國語)
  • 2014年 LAMUSIC Original Classics —— 衝上雲霄、Make My Day(作曲、填詞)、小萍果、秘密花園
  • 2014年 單曲 —— 東方傳奇(東方足球隊會歌)
  • 2015年 單曲 —— 粵唱越響(跨粵流行嘅主題曲)

為其他歌手創作嘅歌曲[編輯]

  • 路家敏 小貓與我(作曲)
  • 杜麗莎 仍然記得個一次(作曲)
  • 林嘉寶 幸運兒(作曲)
  • 徐小鳳 星光的背影(作曲)
  • 陳百強 寵愛(作曲)
  • 梅艷芳 抱緊眼前人
  • 葉蒨文 零時十分(作曲)
  • 葉蒨文 蒨意(作曲)
  • 葉蒨文 願意(作曲)
  • 葉蒨文 完全是你(作曲)
  • 側田 有火(作曲)
  • 張敬軒 相對論(作曲)

電影歌曲[編輯]

電視劇歌曲[編輯]

  • 1979年:落難天使(TVB電視劇《落難天使》主題曲)
  • 1979年:抉擇(TVB電視劇《抉擇》主題曲)
  • 1980年:勇往直前(TVB電視劇《新CID》主題曲)
  • 1980年:執到寶(TVB電視劇《執到寶》主題曲)
  • 1981年:愛的種子(TVB電視劇《他的一生》插曲)
  • 1981年:他的一生(TVB電視劇《他的一生》主題曲)
  • 1981年:如此棟篤(TVB電視劇《二人三足》主題曲)
  • 1984年:可以不可以(港台製作嘅《獅子山下之天生你才》插曲)
  • 1986年:海誓山盟(日劇《海誓山盟》主題曲)
  • 1988年:真的漢子(TVB電視劇《當代男兒》主題曲)
  • 1988年:誰爲你(TVB電視劇《當代男兒》插曲)
  • 1990年:勝敗之間(TVB電視劇《成功路上》主題曲)
  • 1990年:矛盾(TVB電視劇《成功路上》插曲)
  • 1991年:改變常改變(TVB電視劇《大家族》主題曲)
  • 1991年:人海中一個你(TVB電視劇《大家族》插曲)
  • 1991年:當時年紀小(台灣電視劇《京城四少》片尾曲)
  • 1991年:至少還有我在乎(台灣電視劇《京城四少》插曲)
  • 1992年:獨自暢飲(TVB電視劇《我為錢狂》主題曲)
  • 1992年:最難忘的你(TVB電視劇《巨人》插曲)
  • 1992年:幾段情歌、最愛是誰、真的漢子、似夢迷離(TVB電視劇《大時代》用過)
  • 1993年:亂世桃花(TVB電視劇《射鵰英雄傳之九陰真經》主題曲1),同葉倩文合唱
  • 1993年:活著日日看桃花(TVB電視劇《射鵰英雄傳之九陰真經》主題曲2),同葉倩文合唱
  • 1993年:愛偏要別離(TVB電視劇《《射鵰英雄傳之九陰真經》插曲),同葉倩文合唱
  • 1993年:願世間有青天(TVB電視劇《包青天》主題曲)
  • 1996年:我以你自豪(TVB電視劇《緝私群英》主題曲)
  • 1997年:人間好漢(TVB電視劇《保護證人組》主題曲)
  • 1997年:蓋世男兒(TVB電視劇《男人四十打功夫》主題曲)
  • 2001年:萬里天風伴我飛(亞洲電視外購劇《臥虎藏龍》主題曲)
  • 2013年:衝上雲霄(TVB電視劇《衝上雲霄II》主題曲)

喺香港搞過嘅演唱會[編輯]

  • 1976年《Teresa Carpio & George Lam》演唱會
  • 1981年 第一次個人演唱會《林子祥Show》
  • 1983年 個人演唱會《林子祥演唱會》
  • 1985年 個人演唱會《林子祥85演唱會》
  • 1987年 於香港舉行個人演唱
  • 1988年 個人演唱會《LAM 88-89 LIVE》
  • 1990年 個人演唱會《特醇星徽林子祥90演唱會》
  • 1992年 個人演唱會《白花油林子祥有情演唱會》
  • 1995年 個人演唱會《林子祥寄廿載情演唱會95》
  • 1998年 同葉蒨文一齊舉行個人演唱會《林子祥葉蒨文好氣連場98'》
  • 2001年 《最愛接觸林子祥》個人演唱會
  • 2001年 12月舉辦《01年拉闊壓軸 林子祥&陳奕迅》音樂會
  • 2002年 舉辦《港樂·林子祥》演唱會
  • 2005年 11月17日至11月19日舉辦《子有祥情》演唱會
  • 2007年 6月7日至6月10日,林子祥同杜麗莎舉辦《仍然最愛林子祥杜麗莎》演唱會
  • 2009年 6月,林子祥舉行《十分十二子祥》個人演唱會。
  • 2011年 6月17-19日,喺香港紅磡體育館舉行一連三場Vintage Lamusic Concert演唱會
  • 2013年 2月1日-2日,同趙增熹合作舉行《絕對熹祥- A Mix & Match Concert with 林子祥 & 趙增熹音樂會》
  • 2016年 1月28日-31日,喺香港紅磡體育館舉行一連四場林子祥佐治地球四十年演唱會

電影[編輯]

電視[編輯]

  • 1977年《淡入淡出之斑點》
  • 1977年《瑪麗關77》
  • 1979年《過埠新娘》 演 朱添盞
  • 1979年《網中人》 演 鄭馬田
  • 1979年《不是冤家不聚頭》 演 詹旭和
  • 1980年《風雲》 演 周民生
  • 1980年《輪流傳》 演 解樹仁
  • 1980年《執到寶》 演 阿超
  • 2014年《我們都是這樣唱大的》第二集主題人物

得獎記錄[編輯]

  • 1980香港電台十大中文金曲:《分分鐘需要你》
  • 1980香港電台十大中文金曲:《在水中央》
  • 1981香港電台十大中文金曲:《活色生香》
  • 1984香港電台十大中文金曲:《愛到發燒》
  • 1985香港電台十大中文金曲:《每一個晚上》
  • 1985香港電台十大勁歌金曲:《十分十二寸》
  • 1985香港電台最有創意歌曲獎:《十分十二寸》
  • 1985無線電視勁歌金曲:《十分十二寸》
  • 1986香港電台十大中文金曲:《阿Lam日記》
  • 1986香港電台最佳中文(流行)歌曲獎:《最愛是誰》
  • 1986香港電台最佳唱片監製獎:《最愛是誰》
  • 1986無線電視勁歌金曲:《千億個夜晚》
  • 1986 憑電影《最愛》主題曲《最愛是誰》奪得《香港電影金像獎》最佳原創歌曲
  • 1987香港電台十大中文金曲:《千億個夜晚》
  • 1987無線電視勁歌金曲:《海誓山盟》
  • 1988無線電視勁歌金曲:《真的漢子》
  • 1988香港電台十大中文金曲:《真的漢子》
  • 1988香港電台金曲廿載十大最愛
  • 1988最佳唱片監製獎 歌曲:祝福 監製:林子祥/ 鍾定一/ 黃柏高/ 葉蒨文
  • 1990 CRHK男歌手銅獎
  • 1994 香港電台金針獎
  • 2002 十大中文金曲 金曲銀禧榮譽大獎
  • 2003 CASH音樂成就大獎,係首位唱作人得到呢個殊榮
  • 2007 CASH金帆音樂獎 最佳合唱演繹:林子祥/杜麗莎,演繹作品《常在我心中》
  • 2015 於《2015年度勁歌金曲頒獎典禮》獲頒發「樂壇榮譽貢獻大獎」
  • 2016 進入十大中文金曲頒獎音樂會名人堂

[編輯]

  1. 呢隻專輯喺出版前一日因為台灣波麗佳音倒閉而冇出到,同年改由馬來西亞波麗佳音出。

出面網頁[編輯]