任賢齊

出自維基百科,自由嘅百科全書
Jump to navigation Jump to search
任賢齊

任賢齊(Richie Jen,1966年6月23號—),花名小齊,係台灣男歌手,喺台灣出世。彰化高中、中國文化大學體育系畢業。佢喺台灣、香港中國大陸同各地華人社區都好出名,歌曲《心太軟》同《對面的女孩看過來》曾多次獲獎。任賢齊歌、影、視三棲,堪稱全能藝人,由於佢喺大學學體育系,加上對各項運動嘅熱愛同豐富知識,所以亦不時獲邀為媒體或者廣告商擔任體育活動嘅客席主持或者特邀嘉賓。

演藝之路[編輯]

出道之前[編輯]

任賢齊阿爸係小學老師,1949年左右跟住中華民國政府搬去台灣。任賢齊係屋企大仔,個名係阿爸改嘅,「賢」字係屋企嘅字輩,個名意義係「見賢思齊」。童年喺彰化縣眷村大,直到喺國立彰化高級中學高中畢業至搬去台北居,重考過兩次大學後,21歲入中國文化大學體育系就讀[1],並喺呢段期間到敦煌樂器一邊打工,一邊學結他[2],而家結他係佢主要嘅創作樂器。佢喺結他老師介紹下加入新格唱片公司,第一次創作嘅《春天花會開》被唱片公司選為主打歌。

1990年-1991年:新格唱片公司時期[編輯]

任賢齊唸大學四年級時(1990年)俾台灣新格唱片發掘,並灌錄首張合輯《奔向彩虹》,開始入演藝圈,並成為地下樂團snake成員。[2]

呢段期間發展並不暢順,同九孔、許效舜等人一齊住喺天台鐵皮屋[3],當時為咗喺事業上多爭取時間,佢刻意休學一年,延後入伍時間,但喺發行三張個人專輯,都未有回響下,入咗空軍藝工隊。

1996年-2005年:滾石唱片公司時期[編輯]

任賢齊退伍後發現新格唱片已被滾石唱片收購,自己變成該公司旗下歌手,喺呢段時間一邊主持電視節目一邊等機會發行新專輯,也是在這時佢開始玩起賽車[4]。就喺佢列入滾石唱片解約藝人名單嗰時,小蟲留低咗佢,並為佢打造全新個人專輯《依靠》,喺半年後推出《心太軟》專輯。

任賢齊原本決定如果《心太軟》專輯銷售成績唔理想,將離開藝人身分,報考體育新聞記者,因為呢張專輯係唱片公司畀佢嘅最後機會,若果銷售紀錄都係無表現就會同佢解除合約關係[5],點知《心太軟》專輯喺亞洲創下號稱200萬張嘅銷售佳績[6],南京音像嘅正版發行量係100萬張[7]。其中主打歌《心太軟》更紅遍中國大陸大街小巷,並喺亞洲地區獲得多個獎項,之後呢首歌喺華人圈無人唔知,小蟲講過若果「攞到(心太軟)所有版稅嘅話,可以買到一座紫禁城,但實際好大部分貢獻畀咗大陸嘅盜版商。」[8]用嚟比喻《心太軟》喺大陸地區賣得非常好。

但直到1998年因《愛像太平洋》專輯喺台灣暢銷熱賣,至令佢由中國大陸紅返台灣,當時呢張專輯搭埋由佢主演嘅神鵰俠侶電視劇推出,喺同一時段八點檔創下高收視率[9],連帶令唱片大賣,喺台灣人氣亦隨之高漲。國際唱片業交流基金會統計嗰張專輯賣出咗120萬張[10],呢年佢喺台灣台北舉辦出道多年來,第一場個人演唱會。

靠滾石唱片豐沛嘅音樂創作人才,任賢齊喺呢段留下許多膾炙人口嘅作品,時至今日,只要係參加商業、公益演出或舉辦個人演唱會,喺滾石發行嘅歌曲重係佢嘅必唱曲,好似《對面女孩看過來》、《再出發》、《我是一隻魚》、《心太軟》等。

2005年-2008年:百代唱片公司時期[編輯]

2005年離開滾石唱片,加盟EMI旗下,EMI唱片係任賢齊歌唱生涯第三間公司。

2008年至今:東亞唱片公司時期[編輯]

同百代唱片約滿後,2008年3月18號喺香港舉行加盟新公司記者會,以至少4千萬元簽約金成為東亞唱片旗下歌手,電影同唱片事業都由佢管理。

2010年同香港團體農夫合唱賀歲歌《紅包拿來》,並「自詡為最早唱Rap嘅歌手」[11]

2016年參加浙江衛視誰是大歌神》,係第五期大歌神。

2019年,任賢齊同阿牛相隔十九年再度合作,並計劃喺熱浪島開演唱會。[12]

家庭[編輯]

2005年5月4號,任賢齊老婆喺台北中山醫院開刀生咗個女,英文名Rati係任賢齊同老婆Tina陳則妤,雙方英文名嘅頭尾,同時亦係佢代言車款Maserati最後四個英文字。2008年2月13號個仔Cody喺香港出世。

為兼顧工作同家庭生活,佢而家住喺香港。

參考[編輯]

  1. "任贤齐《心太软》 翻红飙男儿泪 拍戏枯坐一天没人理 上桌吃饭遭痛骂". (原先內容喺2012年10月19號歸檔). 喺2019年11月16號搵到. 
  2. 2.0 2.1 台灣「歌俠」任賢齊重現江湖 推出新作《飛鳥》
  3. 參考 2006.02.24 中國時報 麻吉好哥們 九孔當年曾接濟小齊
  4. 任賢齊:盗版讓我很受傷(專訪)
  5. 北京娛樂信報 05/20/07 19:01:50任賢齊新專輯很俠義 生活中喜歡打抱不平
  6. 《心太軟》嘅下張專輯《很受傷》第一版封面上,寫「兩百萬張熱賣見證」,但並未註明發行範圍,而喺中國大陸,大多數人以為呢張專輯若果連埋盜版賣出數量應該係2600萬張。
  7. 〈唱片公司維權 網絡音樂非法下載將「斷糧」?〉,《大紀元新聞》,2004年3月19號。
  8. 2009年05月20日 鳳凰衛視音樂人小蟲接受專訪 稱現在很多歌手就像復讀機。 互聯網檔案館歸檔,歸檔日期2015-05-01.
  9. 〈任賢齊追憶似水年華〉——《當代歌壇》 04-2008
  10. 《天下雜誌》,〈影視歌藝 前進亞洲〉,2002年2月1號
  11. 太陽報, 小齊農夫赤口互吵認叻。 台灣最早以rap歌入專輯係庾澄慶嘅歌《報告班長》,任賢齊或者係指台語rap最早,報導睇新浪娛樂〈台灣「歌俠」任賢齊重現江湖 推出新作《飛鳥》〉。
  12. "任賢齊計劃熱浪島開騷 「會請埋Sammi參與」". 明周娛樂 (用英文寫). 2019-11-08. 喺2019-11-16搵到.