羅志祥
| 羅志祥 | |
|---|---|
 | |
| 男藝人 | |
| 羅馬拼音 | Lo Chih Hsiang（Luó zhì xiáng） |
| 英文名 | Show Lo |
| 花名 | 小豬、羅主任 |
| 國籍 |  中華民國 |
| 民族 | 阿美族 |
| 籍貫 |  臺灣花蓮縣 |
| 出世 | 臺灣基隆市 |
| 職業 | 歌手、節目主持人、演員 |
| 語言 | 國語、台語、日語 |
| 教育程度 | 基隆市培德工家畢業 |
| 演奏樂器 | 鋼琴、鼓、吉他、小提琴 |
| 出道地 | Taiwan |
| 出道日期 | 1994年 |
| 出道作品 | 「四大天王就是你」模仿大賽 |
羅志祥（Show Lo，1979年7月30號—），花名小豬，係臺灣歌手、節目主持人、演員。1996年以團體四大天王加入娛樂圈，團體解散後又同歐漢聲組成羅密歐。羅密歐解散後轉型去做綜藝節目主持。捱咗好多年之後喺2003年賣碟，咁多隻碟夾埋喺亞洲賣咗近700萬張，重連續兩年攞到臺灣銷售總冠軍（2010-2011及2011-2012）[1]。佢嘅自創品牌「STAGE」亦成功進軍潮流界，先後喺臺灣、香港、新加坡同上海開設分店，後來重搞埋Cafe。羅志祥最鍾意嘅偶像係日本巨星木村拓哉同香港巨星四大天王中嘅郭富城。
生平[編輯]
早年生涯[編輯]
羅志祥喺培德工家畢業。佢有一半嘅臺灣原住民阿美族血統，喺康樂隊家庭中長大。佢三歲嘅時候聽阿媽練歌嘅節奏敲打餅乾罐，被發現有打鼓天分，之後就喺康樂隊表演打鼓，五歲就成為咗康樂隊嘅台柱，跟住父母去台北同基隆等地表演，更喺六歲時同老豆一齊參加中國電視公司《六燈獎》節目嘅親子歌唱大賽，榮獲亞軍。
羅志祥中學時又肥又黑，所以俾人叫做「小豬」，喺一次單車車禍後，開始瘦落嚟。羅志祥因青蛙肢[2]而唔使服兵役，佢又有輕微嘅心臟二尖瓣膜閉鎖不全症，唔可以食有咖啡因嘅食品[3]。羅志祥由15歲開始跳街舞，搞到膝頭哥軟骨磨損嚴重，20歲就有「腳軟」症兆，俾醫生診斷患髕骨軟化症，醫生重建議佢開刀做人工軟骨，但佢驚冇得再跳舞而拒絕開刀[4]。
演藝生涯[編輯]
1995年12月，中國電視公司同威聚唱片一齊搞咗個「四大天王就是你」模仿大賽，羅志祥報名參加扮郭富城，因本身有一半臺灣原住民血統，五官輪廓深遂靚仔，又扮得好似，所以嬴咗。之後同其他三位嬴咗嘅人組成偶像組合『四大天王』，正式入娛樂圈。1999年四大天王因其中兩位團員退出而散咗，於是羅志祥同剩低嘅另一位團員歐漢聲（羅志祥嘅高中同學）另組另一隊『羅密歐』。『羅密歐』因歐漢聲嘅兵役問題而宣佈解散，解散後羅志祥繼續以個人嘅身份，喺臺灣綜藝節目做主持、拍劇，原本一切幾順利但之後又因為合約問題搞到演藝事業陷入危機。
2003年羅志祥喺艾迴Avex推出首張個人專輯《Show Time》，飛去日本向前『TRF』團員，亦係日本天后安室奈美惠嘅前夫Sam拜師學藝，之後陸續出咗四隻碟，開始愈嚟愈多人鍾意佢。
2007年5月21號，羅志祥正式去咗EMI旗下子公司Capitol（台灣）。2007年同大S拍嘅《轉角*遇到愛》收視勁好，同年搞咗個『Show on stage一支獨秀』首個巡迴嘅個唱。2007年羅志祥又出咗本將心入面嘅真實情感以傳記影片加埋五段演唱會畫面發行並結集成書，出本『羅志祥 Show on stage進化三部曲』。影、視、歌、主持四棲嘅羅志祥喺拍劇、綜藝節目、唱歌咁多方面發展嘅獨特形象，令佢嘅愈嚟愈紅。
2008年12月26號出咗隻《潮男正傳》。
2009年羅志祥同楊丞琳一齊拍咗套《海派甜心》，收視好好，試過平均收視率同最高分段收視拎到5.14同6.88嘅亮眼成績。
2010年1月15號推出第7張唱片《羅生門》。2010年2月，羅志祥喺台北林口拍新歌MV-2010全新世界巡迴演唱會主題曲-舞法舞天，呢首歌同時拍咗另一3D版本，成為華人第1支3D-MV，並收錄喺舞法舞天3D影音典藏版入面。
2010年4月30號～5月2號，羅志祥第一次喺香港展開三場【舞法舞天3D世界巡迴演唱會】，引起好多人周圍撲飛。5月15號～5月16號，羅志祥喺台北小巨蛋嘅【舞法舞天3D世界巡迴演唱會】，創下24個鐘內連開3場個唱嘅紀錄。
2011年2月18號羅志祥出第八張唱片《獨一無二》，重用咗抒情歌【拼什麼】作為第一波主打歌。同一年日本波麗佳音唱片公司簽咗佢重喺7月20號出咗《獨一無二》嘅日文版。同年年底，羅志祥因多年嚟致力於保護、照顧流浪動物，於是「亞洲善待動物組織」（PETA Asia）就搵佢去幫手拍公益廣告，重獲選成為該組織嘅「年度傑出人物」。
2012年羅志祥正式去日本發展，喺2月15號推出首張日文單曲Dante。Dante第一個禮拜（2012年2月13號-2012年2月19號）就以7395張嘅數目打入日本Oricon公信榜單曲週榜第十名，令羅志祥成為第一個喺日本Oricon公信榜單曲拎到頭十名嘅台灣男歌手[5]。而佢嘅第九隻個人大碟《有我在》亦喺4月6號正式推出。去到5月17號，有我在喺全臺灣嘅銷量已經過咗上隻碟《獨一無二》嘅銷量，達155,215咁多張[6]。之後同年嘅6月20號，佢又再出第二張日文單曲Magic。
2020年，羅志祥同拍拖九年女友周揚青分手，被女方發微博長文踢爆渣男一面，私生活極其淫亂並同旗下藝人有不正當關係，小豬同愷樂（蝴蝶姐姐）先後發文公開向周揚青道歉[7]。
音樂作品[編輯]
國語大碟[編輯]
第1隻碟 Show time（2003年12月5號艾迴音樂發行）
- 2003年12月5號 Show Time（CD）
- 2004年1月9號 Show Time日式嘻哈NO.1慶功版（CD+VCD）
第2隻碟 達人 Show（2004年10月22號艾迴音樂發行）
- 2004年10月22號 達人SHOW（CD）
- 2004年11月25號 達人Show 影音珍藏版（CD+VCD）
第3隻碟 催眠 Show（2005年10月21號艾迴音樂發行）
- 2005年10月21號 催眠 Show（預購版)
- 2005年11月4號 催眠 Show（限量慈善版）隨碟送小巨蛋演唱會門票乙張
- 2005年11月25號 催眠 Show（冠軍影音安可版，CD+DVD）
- 2006年1月20號 催眠 Show（慶功加場版，CD+DVD，香港版）
第4隻碟 Speshow （2006年11月17號艾迴音樂發行）
- 2006年11月17號 Speshow（預購版）
- 2006年12月8號 Speshow（幸福獵人影音慶功版，CD+DVD），隨碟附南港101演唱會門票乙張
- 2007年1月12號 Speshow（愛*轉角冠軍特別版，CD+DVD）
- 2007年2月16號 Speshow（國王遊戲 LIVE 黃金版，CD+DVD）
第5隻碟 舞所不在（2007年11月16號EMI Capitol發行）
- 2007年11月16號 舞所不在（預購版）
- 2007年12月21號 舞所不（舞霸冠軍版，CD+DVD）
- 2008年1月25號 舞所不在（衛冕慶功黃金典藏版，CD+DVD）
- 2008年12月2號 潮男正傳預購版【潮男幻鏡珍藏版】（全球限量10000套）
- 2008年12月5號 潮男正傳預購版【潮男誌盒裝版】（雜誌封面版）
- 2008年12月26號 潮男正傳正式發行
- 2009年1月23號 潮男正傳【撐腰相挺慶功版】
第7隻碟 羅生門（2010年1月15號金牌大風發行）
- 2009年12月22號 羅生門預購版 【主場華麗版】【愛秀時尚版】
- 2010年1月15號 羅生門【正式版】
- 2010年2月12號 羅生門【愛不單行冠軍慶功限量版】
- 2010年3月12號 羅生門【舞法舞天3D影音典藏版】
- 2011年1月28號 獨一無二預購版 【紳情款款版】【花花仕界版】【拚經濟平價版】
- 2011年2月18號 獨一無二【正式版】
- 2011年3月18號 獨一無二【一萬零一夜冠軍慶功版】
- 2011年5月6號 獨一無二【影音珍藏盤】
- 2011年7月20號 以"Only For You"嘅名喺日本發行
第9隻碟 有我在（2012年4月6號金牌大風發行）
- 2012年3月21號 有我在預購版 【風雲變色版】【驚天動地版】
- 2012年4月6號 有我在【天長地九版】
- 2012年5月4號 有我在【全城熱愛 冠軍影音珍藏版】
- 2012年6月8號 有我在【正式贈品版】
- 2012年6月20號 以"Count On Me/有我在"嘅名喺日本發行
日文大碟[編輯]
第1張專輯 THE SHOW （2012年9月19號波麗佳音發行）
- 初回盤A盤（CD+DVD）、初回盤B盤（CD+DVD）、通常盤（CD only）
日文單曲[編輯]
- 初回盤A盤（CD+DVD）、初回盤B盤（CD+DVD）、通常盤（CD only）
第2張單曲 Magic（2012年6月20號波麗佳音發行）
- 初回盤A盤（CD+DVD）、初回盤B盤（CD+DVD）、通常盤（CD only）
組合/團體專輯（已解散）[編輯]
- 1996年四大天王 首張專輯《恰恰舞池》
- 1997年四大天王 第二張專輯《嘿哪喔啊嘉年華》
- 1997年四大天王 第三張專輯《我喜歡》
- 1998年四大天王 第四張專輯《甜蜜蜜》
- 1998年四大天王 第五張專輯《我就是要叫你寶貝精選輯》
- 1998年羅密歐 首張專輯《貓叫春》
- 1999年羅密歐 第二張專輯《動起來》
合輯[編輯]
- 2000年3月《新梁山伯與祝英台》（又名《少年梁祝》）電視原聲帶
- 歌曲：錦繡陽關道
- 歌曲：拜訪我的愛
- 2004年《鬥魚2電視原聲帶》
- 歌曲：灰色空間（片頭曲）
- 2007年8月31號 《歌舞青春2》原聲帶「亞洲豪華超值版」
- 歌曲：必殺技
- 2008年音樂之聲《我要上學》活動主題歌曲
- 歌曲：用愛點亮希望
- 2011年 王心凌專輯：(黏黏)²
- 歌曲：陪我到以後（跨刀合唱曲）
混音碟[編輯]
第1隻混音碟 舞者為王remix混音極選（2010年5月12號金牌大風發行）
- 舞法舞天演唱會搶聽版（CD+DVD版）
- 數位音樂限量特典飾品版（USB版）
個人精選碟[編輯]
第1隻精選碟 BEST SHOW（2007年11月2號艾迴音樂發行）
- 2007年11月2號 BEST SHOW【勁舞天王版】（CD+DVD）
- 2007年11月2號 BEST SHOW【最愛珍藏版】（CD+DVD）
第2隻精選碟 All For You超精選+新曲（2011年1月21號艾迴音樂發行）
演唱會DVD[編輯]
第1張演唱會DVD 《愛的力量》慈善演唱會專輯（2005年11月4號艾迴音樂發行）
第2張演唱會DVD 殘酷舞台真實錄LIVE DVD（2008年7月11號EMI Capitol發行）
- 羅志祥前唱片公司艾迴音樂借版權出嚟，所以除咗嘉賓蕭亞軒以及蔡依林部份同《Twinkle》、《力量》等，其他都收錄晒。無法收錄嘅原因分別為，同Elva合唱嘅《敗給你》因收音問題無法收錄，同Jolin合唱《天空》因版權問題無法收錄，《Twinkle》亦同樣因為版權無法收錄。
- 紀錄一：殘酷舞台
- 紀錄二：舞王之路
- 紀錄三：爸爸。媽媽。祥祥
- 紀錄四：找不到的幸福
- 紀錄五：第二名的家人
第3張演唱會DVD 生命之舞BORN TO DANCE LIVE TOUR DVD（2011年11月11號金牌大風發行）
- 包咗「舞法舞天」系列演唱會，預購版送一隻收錄「舞法舞天之一萬零一夜 ENCORE WORLD LIVE TOUR」5首獨一無二新歌嘅碟。
其他無收錄喺個人大碟入面嘅作品[編輯]
參考[編輯]
- ↑ http://big5.ifeng.com/gate/big5/news.ifeng.com/gundong/detail_2011_08/25/8679226_0.shtml[失咗效嘅鏈]
- ↑ http://www.tudou.com/programs/view/RvFtzM_H-68/ Talk_羅志祥雙腿不能併攏蹲下
- ↑ 蔡宜玲 (2006-12-31). "男星從軍 命運大不同 就看機運了". Now News 東森新聞. 喺2010-03-08搵到.
- ↑ http://tw.music.yahoo.com/hot/news/article.html?aid=4283 互聯網檔案館嘅歸檔，歸檔日期2012年4月3號，. 末日戰士舞太激烈小豬髕骨軟化症復發
- ↑ http://www.gold-typhoon.com.tw/news/view/2394 互聯網檔案館嘅歸檔，歸檔日期2012年2月27號，. 繼鄧麗君以來睽違25年 羅志祥成為首度登上日本公信榜TOP10的台灣男歌手
- ↑ http://www.gold-typhoon.com.tw/news/view/2458 互聯網檔案館嘅歸檔，歸檔日期2012年6月29號，. 《有我在》全台銷量「155,215」張 有望蟬連唱片年度銷售3連霸！
- ↑ 洪曉璇 (2020-04-27). "羅志祥周揚青分手│小豬愷樂相繼公開道歉 周揚青微博透露動向". 香港01 (中文). 喺2020-04-27搵到.