動力火車
| 動力火車 | |||||
|---|---|---|---|---|---|
 | |||||
| 組合 | |||||
| 英文名 | Power Station | ||||
| 國籍 |  中華民國 | ||||
| 民族 | 排灣族 | ||||
| 職業 | 歌手、創作 | ||||
| 音樂類 | 華語流行曲 | ||||
| 出道地 |  臺灣 | ||||
| 出道作品 | 《無情的情書》 | ||||
| 活躍年代 | 1997年－ | ||||
| 唱片公司 | 華研國際音樂 | ||||
| 經紀公司 | 華研國際音樂 | ||||
| 現任成員 | |||||
| 尤秋興、顏志琳 | |||||
| |||||
動力火車（粵拼：dung6 lik6 fo2 ce1；英文：Power Station）係1997年喺臺灣成立嘅一個演唱組合，由尤秋興同顏志琳兩位排灣族歌手組成，依家係華研國際音樂旗下嘅歌手。
成員
[編輯]| 動力火車成員一覽 | ||||
| 姓名 | 出生日期 | 出生地 | ||
| 尤秋興 | 1969年2月15號 | 屏東縣來義鄉 | ||
| 顏志琳 | 1968年5月13號 | 屏東縣三地門鄉 | ||
簡介
[編輯]尤秋興同顏志琳喺南投縣三育基督學院畢業。22、23歲時同好朋友們組成「處男合唱團」，一兩個月後改名做「突出部位」，幾個月後突出部位解散、加入「終結者」樂團。
大約25歲時成立動力火車[1]。2人以演唱西洋搖滾歌曲起家，1997年同熊天平一齊被上華唱片列做年度新人而出道，出版中文專輯後都延續佢搖滾曲風。因為歌聲特殊同有震撼力，1990年代尾喺台灣歌壇掘起。
比較為特殊嘅係，動力火車2位主唱本籍都係台灣屏東縣三地門鄉嘅排灣族原住民。1998年，動力火車幫電視劇《還珠格格》主唱片頭曲《當》喺大街小巷都好紅。2000年之後，以開演唱會方式進入中國大陸都幾受人注意，喺新加坡、馬來西亞等地都好受歡迎。2005年，攞咗第16屆金曲獎－最佳演唱組合獎。2013年，喺TICC舉辦台灣首次大型售票演唱會。2016年5月，喺台北小巨蛋開唱，達成史上火車穿過舞台開進觀眾席嘅歌手。12月9號出《20 新歌duet精選2CD》紀念即將嚟到嘅成軍20週年。12月25號舉辦《 跟 動 力 合 唱 》音樂會同簽名會。2017年，將再次喺台北小巨蛋開唱慶祝成軍20週年。
尤秋興嘅侄女係歌手郭曉曉。[2]
經歷
[編輯]1996年 【PUB英雄會】合輯。1997年，出咗 《無情的情書》專輯。攞咗ICRT 勁曲排行榜－最佳搖滾團體、攞咗馬來西亞動感321中文音樂金曲獎最佳歌曲－《無情的情書》、攞咗馬來西亞動感321中文音樂金曲獎－最佳組合男歌手、攞咗民生報十大最受歡迎偶像最佳團體。1998年，出咗《明天的明天的明天》同《動力火車LIVE暴風現場》專輯。做咗米射表代言人。喺香港伊莉莎白體育館、紅磡開咗「火車與牛仔」演唱會。臺灣PUB巡迴15場演唱，場場爆滿，掀起一股LIVE熱潮。1999年，出咗《背叛情歌》專輯。喺新加坡室內體育館 開咗「動力火車1999背叛情歌亞洲狂唱會」、喺馬來西亞開咗「火車與牛仔」演唱會，18日賣咗15000張飛、喺台北開「世紀末狂搖滾」演唱會，同出演唱會現場專輯。幫麥當勞做電視廣告、做咗世界展望會飢餓大使，去盧旺達探訪當地兒童。
2000年，出咗《再見我的愛人》專輯。喺新加坡開「動力火車2000年巡迴演唱會」。代言中國上海麒麟「力水」運動飲料廣告、Reebok 球鞋代言。2001年，係Digimaster CDR 代言。出咗《忠孝東路走九遍》專輯。係台灣TVBS-G節目《新人幫》主持。2002年，出咗《UPS不斷電》專輯。搞咗「UPS不斷電PUB」巡迴演唱會、喺馬來西亞武吉加里國家體育館開咗演唱會。尤秋興加入台視東風連續劇《名揚四海》演出。2004年，出咗《就是紅光輝全紀錄》專輯。喺台灣屏東縣家鄉，來義鄉舉辦「原住民&反盜版」演唱會。2005年，攞咗第16屆台灣金曲獎流行音樂類－最佳重唱組合。2009年，出咗《繼續轉動》專輯。分別喺上海國際體操中心、温州體育館，搞咗「超越巔峰 繼續轉動」演唱會。2010年，喺南寧體育館搞咗「超越巔峰 繼續轉動」演唱會。攞咗第14屆華語榜中榜－最佳組合 （港台）。2011年，參與電影《鋼琴木馬》演出。出咗《超越顛峰 繼續轉動演唱會Live》數位專輯。喺廣西區體育場搞咗「超越巔峰 繼續轉動」演唱會。2012年，喺包頭市奧林匹克中心體育館、Sunway Lagoon Surf Beach、四川省體育館，搞咗「超越巔峰 繼續轉動」演唱會。2013年，出咗《光》專輯。喺聖淘沙名勝世界會議中心、雲頂雲星劇場，搞咗「超越巔峰 繼續轉動」演唱會。喺TICC台北國際會議中心，搞咗「莫忘初衷 繼續轉動」演唱會，都有中國保利劇院巡迴演唱會－呼和浩特、邯鄲、鄭州、青島、煙台、合肥、馬鞍山、張家港、常州、常熟、無錫、泰州、崑山、寧波、溫州、武漢、宜春、重慶、深圳、東莞、惠州等20個城市演出。2014年，喺Stafford Centre搞咗「莫忘初衷 繼續轉動」演唱會。攞咗Hito流行音樂獎－hito最佳團體獎。2月，加盟湖南衛視《我是歌手》第二季、為終極補位歌手，之後喺突圍賽演唱《天空》以第四名突圍失敗。 以《光》入圍第25屆金曲獎，第6次問鼎金曲，惜未攞到最佳演唱組合，但被評做最有笑果嘅頒獎人。喺屏東縣來義鄉排灣族五年祭搞咗原聲祈福演唱會、澳門威尼斯人金光綜藝館搞咗豪情萬丈演唱會。2015年。喺多倫多、溫哥華演出後又緊接住「下一站」世界巡迴演唱會首站－馬來西亞，喺最後安可部分全場歌迷以手機點亮滿場星空，畫下完美句點。參與第一屆原味狂潮音樂季。2016年，喺雲頂雲星劇場、上海大舞台、聖淘沙名勝世界會議中心、大連中升體育館、長春·東北師範大學體育館、黃龍體育館，搞咗「下一站」世界巡迴演唱會。喺台北小巨蛋嘅「下一站」世界巡迴演唱會旗艦場，門票喺2星期內賣嗮，喺5月21號攻蛋成功。全場幾次大合唱，令2人感動萬分，特別嘉賓張惠妹驚喜出現，帶住2人high翻小巨蛋，另外，節目入面重帶出咗排灣族吉他手保卜合演「逆流愛情」同安可時間同屏東縣地磨兒國小合唱團一同演出「彩虹」，最後就演唱「莫忘初衷」，蓄積能量，繼續前往世界嘅下一站。出咗《20 新歌duet精選2CD》專輯。喺台北三創生活園區搞咗《跟動力合唱》音樂會同簽名會。2017年，喺Sunway Lagoon Surf Beach、華潤深圳灣體育中心「春蟲」體育館，搞咗「下一站」世界巡迴演唱會。喺雲頂雲星劇場，搞咗「跟動力合唱」世界巡迴演唱會。
2014年2月，加盟湖南衛視《我是歌手》第二季、為終極補位歌手，之後喺突圍賽演唱《天空》以第四名突圍失敗。
我是歌手第二季 動力火車競演排名
| |||||||||
| 期數 | 輪數 | 播出日期 | 演唱歌曲 | 原唱 | 歌曲介紹 | 排名 | 得票率 | 出場序 | 備註 |
| 9 | 第五輪排位賽 | 3月7號 | 《當》 | 動力火車 | 詞：瓊 瑤 曲：莊立帆、郭文宗 編曲：溫奕哲 |
6 | 7.82% | 8 | 團體最低得票率 |
| 10 | 第五輪淘汰賽 | 3月14號 | 《酒矸倘賣無》 | 蘇 芮 | 詞：羅大佑、侯德健 曲：侯德健 編曲：梁翹柏 |
7 | 8.03% | 6 | 團體最低排名同最高得票率 兩場總成績第7名 |
| 11 | 突圍賽 | 3月21號 | 《天空》 | 王 菲 | 詞：黃桂蘭 曲：楊明煌 編曲：JerryC |
4 | 不詳 | 4 | 突圍失敗 團體最高排名 由盧皆興吟唱臺灣卑南語 |
作品
[編輯]| 發行日期 | 專輯 | 曲目 |
| 1997年10月7號 | 《無情的情書》 | 曲目
|
| 1998年4月1號 | 《明天的明天的明天》 | 曲目
|
| 1998年8月1號 | 《LIVE暴風現場》 | 曲目
CD1
CD2
|
| 1999年1月30號 | 《背叛情歌》 | 曲目
|
| 1999年12月8號 | 《再見我的愛人》 | |
| 2000年6月1號 | 《百萬全紀錄》新歌+精選 | 曲目
CD1
CD2
|
| 2000年7月 | 《流金十載全紀錄》 | 曲目
|
| 2001年2月13號 | 《忠孝東路走九遍》 | 曲目
|
| 2002年1月3號 | 《UPS不斷電》 | 曲目
|
| 2002年10月4號 | 《MAN》 | 曲目
|
| 2004年4月2號 | 《就是紅光輝全紀錄》新歌+精選 | |
| 2004年4月24號 | 《永遠的朋友典藏系列》(精選) | 曲目
CD
DVD
|
| 2009年3月27號 | 《繼續轉動》 | |
| 2011年1月21號 | 《超越顛峰 繼續轉動》(演唱會Live數位專輯) | 曲目
|
| 2013年3月29號 | 《光》 | 曲目
|
| 2016年12月9號 | 《20 新歌duet精選》 |
單曲
[編輯]- 2002年《出路電視劇》 : 我吃的起苦
- 2003年《薔薇之戀電視原聲帶》:「搖籃曲」、「也許有一天」
- 2005年《仙劍奇俠傳電視原聲帶》:「終於明白」
- 2005年《真命天女電視原聲帶》:「我給你幸福」
- 2006年《白色巨塔電視原聲帶》:「Never Say Goodbye」、「我答應你」
- 2008年《不死心還在》（with信樂團）
- 2008年《我就是這樣》（with劉力揚&Tank）
- 2014年《球在你腳下電視原聲帶》: 逐夢
- 2015年《一代新兵之八極少年片頭曲》：熱量
- 2015年《追婚日記電影原聲帶》：愛不顧身(顏志琳)
- 2016年《High 5 制霸青春電視原聲帶》：來真的
戲劇
[編輯]其他有影音收藏
[編輯]- 1997年動力火車 - 無情的情書 VCD影音光碟伴唱帶
- 1998年明天的明天的明天(紙盒裝CD+VC勝利熱賣版 附寫真書卡+歌本)
- 1998年《動力火車II 明天的明天的明天 黃金典藏版 》
- 2000年【VCD】《情歌搖滾世紀精選卡拉Ok》
- 2002年【VCD】《動力火車狂唱會》
- 上華超人氣精選第五集
- MV單曲VCD-動力火車Power Station-明天的明天的明天
- 動力火車 --就是紅 [ 彩虹--卡拉OK影音全記錄 ]
- 動力火車 艾琳娜 單曲CD
雜誌
[編輯]- 旋風偶像 No.107 封面人物動力火車 (知識通2B8)
- 單車誌 No.72 封面人物動力火車 (2013.06)
- ONEGOLF玩高爾夫雜誌 No.29 封面人物動力火車 (2013.06)
參考
[編輯]
- ↑ 〈動力火車作客聊新碟〉。原著喺2016年3月4號歸檔。喺2017年5月11號搵到。
- ↑ 2015.08.25SS小燕之夜完整版 沒想到他們的歌聲這麼好聽！？
