孫燕姿

孫燕姿（英文：Stefanie Sun；1978年7月23號—）係新加坡華語流行音樂女歌手。

2000年喺台灣出道重出咗同名專輯《孫燕姿》，憑住歌曲《天黑黑》出名，重叫做華語「四小天后」之一。孫燕姿喺岩岩出道就受到金曲獎同銷售榜嘅認可，攞咗包括第12屆金曲獎在內嘅亞洲各地15個頒獎禮嘅最佳新人獎，同埋連續2年成為華語專輯銷售總冠軍。之後，孫燕姿陸續獲得亞洲各地嘅重要音樂獎項，重6次入圍金曲獎最佳女歌手。2005年以專輯《Stefanie》攞咗第16屆金曲獎最佳國語女演唱人獎。孫燕姿攞過7次香港IFPI十大銷量國語唱片獎，亞洲唱片總銷量超過3千萬張，係華語樂壇相當有影響力同指標性嘅女歌手。