歐陽娜娜

歐陽娜娜

歐陽娜娜（英文：Nana Ou-Yang，2000年6月15號—），係臺灣大提琴家同女演員，臺北出世，阿爸歐陽龍同阿媽傅娟都係演員出身。佢6歲開始學大提琴，12歲就已經搞演奏會。佢而家讀緊美國波士頓伯克利音樂學院。

政治立場

歐陽娜娜喺政治立場上傾向支持中國北京政府，亦因為咁，受到港台兩地一啲網民嘅非議。

2019年反修例風波期間，佢喺微博出帖撐警，引起台灣、香港兩地網民熱烈討論，亦有一啲批評。其中網絡紅人館長（陳之漢）就批評佢，質問人民幣係遮住咗佢雙眼定係佢嘅良心，又話佢係台灣人嘅恥辱。

另外，喺2020年嘅中國國慶嗰陣，佢登上央視晚會高唱「我的祖國｣，事前消息傳出，有台灣網民話佢係「女版黃安｣，揶揄佢叫佢放棄台灣國籍，前外交官劉仕傑亦揶揄佢，叫佢唔好佔用台灣健保。

去到2022年1月，佢同蕭敬騰、陳立農、袁婭維同埋張杰主唱中國官媒製作嘅歌曲《我們同唱一首歌》，亦被部分人認為協助中共對台灣統戰。