我們同唱一首歌
《我們同唱一首歌》係中國官媒《台海之聲》、《看台海》製作嘅一首對台灣統戰嘅歌[1],由楊宗南作曲、方文山作詞,蕭敬騰、歐陽娜娜、陳立農、袁婭維同埋張杰主唱[2],2022年1月推出。歌詞穿插華語同閩南話,入面「從來是一家」同埋「落葉歸根」等用語,而MV入面就有福建同台灣北港兩座巨大媽祖雕像遙相對望,另有林氏宗祠、台北101等地標。因為歌曲為中共宣傳,受到一啲爭議[3]。中共官方同台灣親中派對歌曲評價正面,但台灣綠營同一啲網民就批評呢首歌。
評論[編輯]
中國[編輯]
喺呢首歌推出之後,中國網民同埋官方畀首歌正面評價,微博有超過2億人次睇過。中國大陸國台辦發言人朱鳳蓮攻擊批評呢首歌嘅人,話佢哋係造謠、惡意煽動、挑撥生事[4][5]。
台灣[編輯]
喺臺灣,因為歌曲為中共宣傳,而受到非議[3]。好多網民同評論員都抨擊方文山同蕭敬騰等人協助中國統戰,兩人嘅社交媒體都收到大量批評[5]。
陸委會發言人邱垂正表示,中共慣用兩岸歷史文化淵源,刻意操作兩岸同屬「一中」嘅政治框架;濫用藝文創作作為政治意識形態嘅宣傳工具,對於呢啲統戰歌曲背後嘅政治宣傳意圖,台灣民眾早已心知肚明,只會覺得反感,台灣藝人亦唔應該幫助中共統戰[1][6][7]。
台灣青年民主協會理事長張育萌提醒台灣年青人,唔好咁樣就以為中國人對台灣人友善,事實係每日中共軍機繞台、文攻武嚇、鄰里宮廟滲透[5]。
民進黨立法委員賴瑞隆批評,事件又係另一個中共壓迫台灣藝人做政治表態嘅證明,呼籲樂迷拒絕呢啲歌手,然後當中共發現無成效嘅時候,就唔會再搵台灣藝人或者作詞作曲人做呢啲統戰工作,咁樣先可以阻斷中共政治干預商業或藝文事業嘅行為[5]。
國民黨立委溫玉霞就話,好聽就得,平常心,唔好諗太多[5]。前主席洪秀柱讚揚呢首歌,以『兩岸不管隔了幾代,始終都是一家人』去回應[8]。
參考[編輯]
- ↑ 1.0 1.1 https://www.facebook.com/ETtoday. 〈蕭敬騰唱《我們同唱一首歌》 陸委會:台灣藝人不宜助中共統戰 | ETtoday政治新聞 | ETtoday新聞雲〉. www.ettoday.net (繁體中文). 喺2022-01-30搵到.
{{cite web}}
:|last=
has generic name (help); External link in
(help)|last=
- ↑ 世界新聞網. 〈「我們同唱一首歌」被批統戰 方文山:不心虛〉. 《世界新聞網》 (臺灣中文). 喺2022-01-30搵到.
- ↑ 3.0 3.1 聯合新聞網 (2022-01-13). 〈參與《我們同唱一首歌》是否觸法? 陸委會不說清 | 聯合新聞網:最懂你的新聞網站〉. 《聯合新聞網》 (中文). 喺2022-01-30搵到.
{{cite web}}
: CS1 maint: url-status (link) - ↑ 〈「統戰手段」或「認祖歸宗」:台灣作詞家方文山創作《我們同唱一首歌》歌詞再引兩岸政治口水戰〉. 《BBC News 中文》 (繁體中文). 喺2022-01-30搵到.
- ↑ 5.0 5.1 5.2 5.3 5.4 〈《我们同唱一首歌》两岸反响迥异 是艺术还是统战?〉. Radio Free Asia (英文). 喺2022-01-30搵到.
- ↑ 〈蕭敬騰、歐陽娜娜演唱「我們同唱一首歌」 陸委會:徒增台灣人反感 | 政治 | | Newtalk新聞〉. 《新頭殼 Newtalk》 (中文). 2022-01-13. 喺2022-01-30搵到.
- ↑ 自由時報電子報 (2022-01-12). 〈國台辦大誇蕭敬騰、歐陽娜娜獻唱紅歌 陸委會:統戰歌曲增反感 - 政治〉. 《自由時報電子報》 (中文). 喺2022-01-30搵到.
- ↑ 网易 (2022-01-21). 〈"我们同唱一首歌"传遍两岸后,73岁洪秀柱出山,15个字道出心声〉. www.163.com. 喺2022-01-30搵到.