美國英文

出自維基百科,自由嘅百科全書
跳去: 定向搵嘢

美國英文英文American English),又可以叫美式英文,係喺美國度講嘅好多種英文方言嘅總稱。雖然美國法律無規定到官方語言,但係美國英文就係實際上嘅官方語言。

根據1990年人口普查,97%嘅美國居民識得講「好」或者「好好」嘅英文;只有0.8%嘅人完全冇講英文,而1890年有3.6% [未記出處或冇根據]。到2005年,三分之二以上嘅英文母語者講美國英文 [未記出處或冇根據]

語音[編輯]

美國英文係有捲脷音嘅,即係有r啲字喺頭喺尾都有發音,好似car讀[kʰɑɹ]噉,有讀埋個r。相對嚟講,現代英國英文裏面嘅r,如果r喺開音節喺一個母音後面,就唔會讀埋。例如car或者door就唔會讀埋個r。

另外,有部份/ɒ/音會讀成接近/ɑː/音咁。例如dollar呢個字,按英式讀法會讀成[ˈdɒlə],但按美式讀法就會讀成[ˈdɑlɚ]。

/æ/音喺/m,n,ŋ/之前,佢變成[eə̯],好似man讀[meə̯n]噉。

/ɪ/音喺弱讀音節嗰陣,佢通常變成[ə],好似service讀[ˈsɝvəs]噉。