謝安琪
| 謝安琪 | |
|---|---|
 | |
| 女歌手 | |
| 羅馬拼音 | Tse On Kei |
| 英文名 | Kay Tse |
| 花名 | 阿Kay，KK，kay媽 |
| 國籍 |  中國（香港） |
| 出世 | 1977年3月13號.svg){kind=small} 英屬香港 |
| 活躍年代 | 2005年到而家 |
| 唱片公司 | 星煥國際（2012到2013年） 新藝寶唱片（2006到2012年） Avex Asia（2005到2006年） 台灣： 金牌大風（2013年到而家） |
| 經紀公司 | Ban Ban Music（2005年到而家） |
謝安琪（粵拼：ze6 on1 kei4，英文：Tse, On Kei (Kay)，1977年3月13號—）係香港女歌手同演員，2005年1月5號出道。
謝安琪攞過「2008年度四台聯頒音樂大獎－傳媒大獎（歌手獎）」，成為四大電子傳媒音樂頒獎典禮嘅大贏家，又響2008至2010年度《叱咤樂壇流行榜頒獎典禮》連續三屆攞到「叱咤樂壇女歌手（銀獎）」、響《2008年度叱咤樂壇流行榜頒獎典禮》得到「叱吒樂壇我最喜愛的女歌手」、喺第三十一至三十三屆《十大中文金曲頒獎音樂會》連續三屆獲得「優秀流行歌手大獎」同「十大中文金曲獎」，喺《新城勁爆頒獎禮》2008同2009連續兩屆奪得「新城勁爆女歌手」同埋「新城勁爆我最欣賞女歌手」，重喺《新城勁爆頒獎禮2010》奪得「新城勁爆亞洲歌手大獎」，奠定佢樂壇嘅地位；另外謝安琪憑歌曲《囍帖街》得到《新城勁爆頒獎禮2008》「新城勁爆年度歌曲大獎」同埋「新城勁爆我最欣賞歌曲」、《2008年度叱咤樂壇流行榜頒獎典禮》「叱咤樂壇至尊歌曲大獎」「叱咤樂壇我最喜愛的歌曲大獎」、《2008年度十大勁歌金曲頒獎典禮》「十大勁歌金曲金獎」、《第三十一屆十大中文金曲頒獎音樂會》「全球華人至尊金曲獎」「2008年度四台聯頒音樂大獎－歌曲大獎」七個年度嘅歌曲獎。謝安琪係2010年更被選為香港十大傑出青年。
2011年，俾人訪問時講到傳媒風氣，形容觀眾係細路，重斷言「如果你自己生咗個細路仔出嚟，佢話好鍾意食屎喎，你係咪畀屎佢食？」。言論一出俾各界批評，謝安琪回應時堅持話被歪曲報導，同佢原意唔一樣。
2012年，搞《謝安琪你們的幸福演唱會2012》。演唱會前，喺高登討論區中有網民出言詆毀謝安琪，詛咒佢演唱會滯銷。之後反而帶起演唱會銷情，謝安琪出席活動時都公開多謝個網民幫佢演唱會造勢宣傳。演唱會舉辦期間傳話謝安琪經理人夏森美同環球唱片不和，環球有意喺演唱會後同謝安琪提前3年解約。環球決定唔派旗下藝人出席謝安琪演唱會，資源亦投放唔多，逼使謝安琪喺尾場有感而發，喊住指控近幾年俾人孤立，重遇上好多風浪，不過點都唔會整得死佢。
謝安琪被傳同老公張繼聰齊齊過檔BMA，同時黃柏高加盟星娛樂後都有意向謝安琪挖角。
謝安琪之後加盟麥浚龍旗下「幻．國文化娛樂」，喺2019年舉辦咗一連四場 kay isn't me. Live 2019 演唱會[1][2]。
演出[編輯]
電影[編輯]
- 拍緊：《臥底的退隱生活》 飾 杜娟英
事件[編輯]
謝安琪曾經被指喺2021年大埔比華利山騙案入面，被黎偉業呃咗好多錢，但謝安琪否認[3]。
攷[編輯]
- ↑ 〈張繼聰後台打點 Juno為謝安琪引入千萬音響技術〉. 《明周娛樂》 (中文). 2019-10-11.
- ↑ 〈【謝安琪演唱會】謝安琪喊住唱《獨家村》 Kay：有幾句唱唔到〉. 《明周娛樂》 (中文). 2019-10-12.
- ↑ 〈香港奇案｜比華利山偽富豪設「天仙局」騙4億 洪金寶、謝安琪、江美儀傳損失過千萬 | 有線生活〉. 《有線寬頻 i-CABLE》 (香港中文). 2022-08-28. 喺2023-02-17搵到.
出面網頁[編輯]
 |
維基同享有多媒體嘅嘢： 謝安琪 |
