林欣彤

林欣彤同支持者慶祝佢喺《超級巨聲2》入面攞獎

林欣彤（Mag Lam，1990年 7月21號—）係香港女歌手。

林欣彤據稱鄉下喺廣東中山市，佢讀過港九街坊婦女會孫方中小學、南亞路德會沐恩中學同埋香港專業教育學院（青衣分校）航空與客運服務高級文憑課程，早年志願係做空中小姐。

林欣彤參加過多項音樂比賽同喺大型活動裏面表演，喺2008年十八區超新星歌唱大賽攞冠軍（巨聲幫嘅何紫慧同埋陳康健都有參賽）同埋第16屆香港專業教育學院（青衣）學生會歌唱比賽攞冠軍。後來佢喺香港無綫電視節目《超級巨聲2》攞冠軍，之後經無綫電視簽約英皇娛樂集團出唱片。

生涯[編輯]

2011年，林欣彤推出第一隻單曲「洗澡」，俾外界批評為歌詞無意思。雖然係咁，「洗澡」依然登上香港電台同勁歌金榜第一位，力證林欣彤受傳媒歡迎。8月，佢隻個人大碟《Vocalist》開售，好快就登上香港唱片商會銷量榜冠軍位置，停留咗連續四個禮拜。

2012年，勇奪各大電台新人獎，俾外界認定為現時最有前途女歌手，有潛質成為天后^[1]。2月，林欣彤透露話錄緊歌，第二隻唱片就快出。^[2]

呢個表唔完整，歡迎加料。