陳百強

出自維基百科,自由嘅百科全書
跳去: 定向搵嘢
2009年9月嘅《陳百強珍藏展》嚮上環

陳百強Danny Chan丹尼仔1958年9月7號1993年10月25號)係1980年代香港樂壇嘅當紅廣東歌歌星,作曲人同演員。佢喺1992年突然昏迷不醒,17個月之後喺1993年過身。

冒起[編輯]

陳百強未入行已經畀人知道有潛質。1977年參加【山葉電子琴大賽】得冠軍,同年,佢作首《Rocky Road》奪得【香港流行歌曲創作比賽】季軍。之後加入百代唱片公司,1979年推出第一張唱片《First Love》,裏面一曲《眼淚為妳流》令佢一炮而紅。1980年陳百強憑《突破》同《喝采》兩套片,再加埋兩套戲主題曲,令到佢好受年青人歡迎。1980年代初達到高峰。之後改簽華納唱片公司,出過唔少作品,有唔少係鄭國江作詞。早期作品就有《等》、《幾分鐘的約會》、《偏偏喜歡你》、《今宵多珍重》等等。1985年佢又簽DMI,一間百代同潘迪生合股公司,之後出咗幾張好掂嘅唱片。去到1980年代尾,佢又返返去華納。

昏迷同埋死[編輯]

1992年5月18號,陳百強被發現因為用酒送安眠藥,導致腦神經糸統受損而昏迷,被送到瑪麗醫院救治。喺醫院昏迷17個月後,喺1993年10月25號因為逐漸性腦衰竭而不治,享年35歲。喺香港殯儀館出殯後,遺體葬喺將軍澳華人永遠墳場第15段。

參考[編輯]