青衣島

出自維基百科,自由嘅百科全書
(由青衣跳轉過來)
Jump to navigation Jump to search
香港島望過去青衣島東南。前面個海係維多利亞港,右邊個島仔係昂船洲,右邊後面係大帽山,左邊後山係大嶼山

青衣島粵拼cing1 ji1 dou2),或者就咁叫青衣,係香港西面水域嘅一個,響新界南面,接近荃灣葵涌,係香港都會區(即係市區)嘅一部分。面積約十點六九平方千米[1]。青衣島絕大部份嘅海邊已經填晒,而且重拼埋周圍嘅兩個島,牙鷹洲洲仔。未填海之前,島上有東北部有三個海灣同埋漁港。佢哋就係門仔塘青衣塘同埋青衣灣。滄海桑田,海面變晒做青衣嘅新市鎮

青衣島四面都係海。面同荃灣葵涌隔住條藍巴勒海峽西面馬灣海峽南面就係維多利亞港。島上有鄉村市區重工業輕工業,亦都係香港嘅油庫。以前個島甚隔涉〔呢句嘢唔似粵語,唔該改咗佢〕,但家下已經係香港交通樞紐,有七條橋駁住。個島係去香港國際機場必經之地,附近航道係東西海運必經。藍巴勒海峽邊,青衣島東南係九號貨櫃碼頭,係葵青貨櫃碼頭一部份。

青衣島1974年青衣大橋通車之後,就開始納入荃灣新市鎮一部份,係由長青邨開始,一直由南向北發展。青衣島發展比較散,各邨各有各核心,而最旺嘅地方響東北便,青衣港鐵站嘅青衣城。附近亦長發邨長發商場,係領匯其中一個重要商場。舊時有青衣大街,不過已經移平起晒樓,唔再係島嘅中心。青衣島大部份公共設施都響島東北。

海圖裏面嘅青衣島。大明萬曆年間,郭棐寫嘅粵大記有青衣島古名春花落。(南響圖頂)

[編輯]

青衣島英文寫做Tsing Yi Island,而再早一啲又寫做Tsing-I Island。早期地圖上面,青衣島個位標咗青衣潭或者青衣潭山。青衣個名,唔知點來,不過有幾個傳說。一說青衣島個海多青衣魚,另一說係青衣以前好多船到,交易會磅衫,叫稱衣,叫叫下叫青衣。不過青衣島個名見於白玉禪師嘅讖詩[2]「長沙左手接青羅,右攬青衣濯碧波,深夜一潭旦斗現,裡頭容得萬船過,有人下得朝陽過,十三年後必登科,若是世人尋不得,回頭轉問釣魚哥。」呢首詩傳說係鄧符協落戶岑田(今日錦田),響荃灣一個叫「半月照灣」嘅名穴度葬佢老竇,掘到呢讖詩石。長沙就係長沙灣,青衣就係青衣島。中間洋面有好多船來來往往。

青衣其實重有古名,叫春花落。家下青衣東南都有個地方叫春花落,嗰度有條村叫春花落。咁啱早期青衣島英文亦都寫做Chun Fa Island或者Chung-Hue Island不過條村同古名嘅關係不明。大明時青衣對出個海叫春花洋。春花洋有海盜出沒,大明水師就響度打低班海盜。大明粵大記海圖畫低春花落,響葵涌隔籬。

行政[編輯]

青衣島同葵涌組成嘅葵青區

青衣島家下係屬葵青。雖然係個離島,但係同荃灣好近,所以多年來都係荃灣範圍,所以舊時係歸荃灣區,而唔係離島區。後尾荃灣區實在人太多,青衣島同葵涌劃咗出來,開個葵涌及青衣區,即係家下葵青區

不過鄉村又有自己分法,青衣島自成一角,屬青衣鄉事委員會。呢樣同葵涌唔同,葵涌係歸荃灣鄉事委員會。青衣鄉事委員會曾經響島好有政治影響力,不過自從有區議會同已經廢咗區域市政局,影響力大不如前。家上青衣住城人口多過村人口好多,影響力更加細。

[編輯]

青衣島因為響邊疆,古代記載唔係好多,家下搵到最古老記載,都係大明嗰陣嘅海防圖。

[編輯]

  1. "香港地理資料" (PDF). 地政總署測繪處. 
  2. "滄海桑田話青衣".