相對論

出自維基百科,自由嘅百科全書
相對論圖解

相對論係主要由德國物理學家歐拔·愛因斯坦創立,有關空間重力嘅理論。佢嘅創立推翻咗牛頓早200年建立嘅經典力學,因為牛頓嘅經典力學喺好近光速或者引力好大嗰陣會唔係好準。

相對論主要可以分做狹義相對論廣義相對論兩種。狹義相對論係針對無引力嘅情況,而廣義相對論係針對有引力嘅情況。佢哋喺宇宙學入面扮演咗好重要嘅角色。

狹義相對論[編輯]

內文:狹義相對論

喺歐拔·愛因斯坦1905年其中一篇奇蹟年論文Zur Elektrodynamik bewegter Körper(關於郁緊嘅嘢嘅電動力學)入面,佢提出咗兩個假設:

  • 相對性:喺唔同嘅慣性參考系入面,所有物理定律都會有同一個表達方式。
  • 光速喺任何慣性參考系入面都係一樣。

因為呢兩個假設,可以推斷到更加多嘅發現,例如:

  • 時間膨脹:所有相對於一個慣性系統嚟郁嘅鐘都會郁得慢啲,而呢個效應係可以用勞侖茲變換好準咁度出嚟。
  • 質能等價:() 能量同質量係同一樣嘢,而且可以互相換做對方。

廣義相對論[編輯]

內文:廣義相對論

廣義相對論係喺1915年發表嘅。廣義相對論嘅發現包括:

  • 重力時間膨脹:重力導致嘅時空扭曲率越大,時間就會過得越慢
  • 進動:自轉物體嘅自轉軸又會圍住另一個軸去旋轉(呢個可以喺水星嘅軌道同雙星脈衝星入面見到)。

有咩用[編輯]

雖然歐拔·愛因斯坦一開始創立相對論係為咗理論上嘅用途,無諗過點樣應用,但係相對論喺工程學上已經有幾重要嘅用途。其中一個係全球定位系統。因為地球有引力,所以人造衞星喺度緊唔同嘅數時,都要考慮廣義相對論嘅影響。[1]

[編輯]

  1. "Wayback Machine" (PDF). web.archive.org. 2015-11-05. 歸檔時間2015-11-05. 喺2021-02-10搵到.{{cite web}}: CS1 maint: bot: original URL status unknown (link)