張衡

出自維基百科,自由嘅百科全書
跳去: 定向搵嘢
張衡

張衡 (78年-139年),字平子南陽西鄂(今中國河南省南陽縣石橋鎮)人,係天文學家數學家發明家地理學家製圖學家詩人官員學者。佢響洛陽長安讀書,起初喺南陽做小官,後尾識睇天,做埋天文學家,去咗朝廷做官。因爲佢喺歷史曆法嘅睇法,毫不妥協,搞到佢有爭拗,做唔成史官。佢響漢順帝嗰陣,同宦官對抗,最後佢決定退出朝廷,去河北。佢返尾返南陽老家,但無耐,朝廷就響138年召佢返來,再過無耐,響139年死。

發明[編輯]

張衡識力學齒輪,用佢發明唔少嘢。佢發明咗水力渾天儀,係世界第一個,加多個缸,就變水鐘。佢重發明咗地動儀,探測到500公里外嘅地震。另外,佢又改良圓周率計法。佢響星表之上,記咗2500粒星星,重研究埋月光太陽嘅關係。佢深究咗月光,認月係球形、光一面係太陽反光,而暗一面係無光反,重有佢探求埋日食月食嘅原理。佢寫唔少,後世人成日拎來評論。後世學者,公認為張衡係通才。一啲現代學者,重將佢做嘅嘢,同希臘托勒密(86-161)相提並論。

紀念[編輯]

1802號小行星,以佢個名命名。