實驗物理學

實驗物理學sat6 jim6 mat6 lei5 hok6（英文：experimental physics）係物理學領域入面嘅一個類別，包含好多唔同嘅細分科目，主要關注嘅係觀察物理現象同埋做實驗。實驗嘅方法﹐唔同學科會有唔同。有啲係簡單嘅實驗同觀察，例如伽利略實驗，有啲就比較複雜，例如大強子對撞機（Large Hadron Collider）。

簡介[編輯]

睇埋：物理學同埋實驗

實驗物理涵蓋物理學嘅所有學科，佢專門負責收集數據同關心收集數據方法，同埋喺實驗室做實驗。同理論物理學比嘅話，後者會更關心預測和解釋自然現象背後嘅物理，而唔係去攞實驗數據。

雖然實驗物理學同理論物理學關心緊自然嘅唔同方面，但係佢哋都有一樣嘅目標，就係理解自然。佢哋之間有一種共生關係，實驗物理學分析自然嘅數據去俾人理解，而理論物理學解釋呢啲數據，又或者講點先可以更加好咁樣做實驗同攞到數據。理論物理學亦可以講到邊啲數據可以幫到我哋去認識呢個世界，同埋同做實驗嘅人講設計邊啲實驗去攞數據會好啲。

呢家做緊嘅出名實驗[編輯]

LHC，即係大強子對撞機，係全世界最大嘅對撞機，喺日內瓦附近嘅法國同瑞士邊境嘅CERN實驗室。^[1]
LIGO，即係雷射干涉引力波天文台。
JWST，即係詹士韋伯太空望遠鏡，佢喺2021年發射。

出名實驗[編輯]

睇埋[編輯]

參考[編輯]

↑ "Yes, we did it!". CERN Document Server. 喺2023-03-03搵到.

[1] "Yes, we did it!". CERN Document Server. 喺2023-03-03搵到.

[1]