利東街

  想搵商場嘅話，請睇利東街 (商場)。

  「囍帖街」跳轉到呢度。想搵歌，請睇「囍帖街 (歌)」。

利東街嘅南端出口係大道東

利東街，俗稱喜帖街或印刷街，喺香港島灣仔，係香港出名嘅印刷品製作同門市集中地，特別以印喜帖出名。但由於市區重建計劃，利東街嘅業權而家已經俾政府市區重建局補錢收番，喺2005年11月6號凌晨零時起，復歸政府所有，令印刷店嚮當地絕跡，或搬走。收番重建後，利東街所有樓宇同埋店舖都已經重門深鎖，而店舖門外亦貼晒市建局嘅告示，寫住「此乃市區重建局物業（This is an Urban Renewal Authority property）」。當地居民同關注組織曾經爭取緊喺重建計劃入面保留喜帖街嘅特色。

利東街收返之後重建成為囍匯二期，條街變咗步行街唔再行車，亦都冇哂「囍帖街」嘅特色。