只愛陌生人
呢篇文講王菲嘅專輯。想搵「只愛陌生人」名相近或相同嘅頁嘅話，請睇只愛陌生人 (搞清楚)。| 只愛陌生人 | ||||
|---|---|---|---|---|
 | ||||
| 王菲嘅錄音室專輯 | ||||
| 發行日期 | 1999年9月10號 | |||
| 類型 | 國語流行音樂 | |||
| 唱片公司 | 百代唱片 | |||
| 監製 | 梁榮駿 | |||
| 王菲專輯年表 | ||||
| ||||
《只愛陌生人》係香港歌手王菲出嘅第十六張大碟、第七張國語大碟，喺百代唱片嘅第三張大碟，喺1999年9月10號發行。一共12首歌曲：10首係國語，2首係粵語；同名曲係翻唱張亞東嘅作品。《只愛陌生人》係用HDCD（高解析度CD）技術錄製嘅唱片。
簡介[編輯]
上一張《唱遊》本人作咗4首曲後，呢次王菲只貢獻咗一首歌：同張亞東一齊寫嘅電子樂「精彩」，都係百事可樂願望篇嘅主題曲。張亞東喺大碟入面有成3首歌，專輯同名曲「只愛陌生人」就係翻唱佢嘅原作，歌入面阿女竇靖童都唱「Come on, baby」。另外一首就係迷離嘅「嗶一聲之後」。
袁惟仁繼7年前嘅執迷不悔後，又一次幫王菲譜寫咗首「過眼雲煙」。陳曉娟第一次同佢合作，譜寫咗「推翻」，詞係佢嘅經紀人阿寬第二次幫佢作。因為呢個係王菲婚變後第一張大碟，所以好多人認為詞所寫嘅就係王菲婚後心情嘅寫照。
固定班底Adrian Chan寫咗傳統情歌「蝴蝶」（廣東版係「郵差」），C.Y. Kong寫咗兩首搖滾風格濃厚嘅「百年孤寂」（廣東版係「守望麥田」）同「開到荼蘼」，後者入面嘅王菲第一次用破音演唱。以後佢每張專輯入面都有至少一首搖滾風嘅作品。
王菲喺呢張大碟入面繼續同其他中國音樂人合作。「當時的月亮」係李冰嘅作品，詞對「月亮代表我的心」呢首歌有個回應：「曾經代表誰的心，結果都一樣」。「催眠」係郭亮所作，林夕嘅詞係意識流風格，但動聽嘅旋律令呢首歌喺KTV入面嘅點歌率都好高。
碟入面2首粵語歌係將兩首國語歌重新填詞做粵語，照顧香港市場。
唱片版本[編輯]
- 香港首版：CD+VCD，銀色側標，送6張月曆卡，封面標題七彩反光。
- 香港再版：CD+VCD，銀色側標，唔送月曆卡，封底同首版嘅字體唔同。
- 台灣首版：CD+VCD，銀色側標，送6張月曆卡，紙質同港版唔同。封面標題七彩反光，廠牌LOGO係「一間製作」。
- 台灣第二版：CD+VCD，銀色側標，送6張月曆卡，紙質同港版唔同。封面標題七彩反光，廠牌LOGO係「一間製作有限公司」。
- 台灣第三版：CD+VCD，銀色側標，送6張月曆卡，紙質同港版唔同。封面標題唔反光，廠牌LOGO係「一間製作有限公司」。
- 新加坡版：CD+VCD，無側標，送6張月曆卡，封面有貼紙。
- 馬來西亞版：CD+VCD，白色側標，送6張月曆卡。
- 日本版：1CD，白色側標，加咗「開到荼蘼（Remix）」，紙盒裝，封面嘅標題七彩反光。
- 韓國版：CD+VCD，無側標。
- 大陸首版：CD+VCD，銀色側標，唔送月曆卡。
- 大陸再版：1CD，紅色側標，特價盤。
其他版本：
衍生產品：
曲目[編輯]
全碟填詞：林夕 （下面註明例外曲目）
| 曲序 | 曲目 | 作曲 | 編曲 | 時長 |
|---|---|---|---|---|
| 1. | 開到荼蘼 | C.Y. Kong | C.Y. Kong | 5:13 |
| 2. | 當時的月亮 | 李冰 | Adrian Chan | 3:51 |
| 3. | 催眠 | 郭亮 | 郭亮 | 4:24 |
| 4. | 只愛陌生人（原唱：張亞東） | 張亞東 | 張亞東 | 3:42 |
| 5. | 百年孤寂 | C.Y. Kong、Adrian Chan | C.Y. Kong | 5:17 |
| 6. | 蝴蝶 | Adrian Chan | Adrian Chan | 3:58 |
| 7. | 過眼雲煙（詞：袁惟仁） | 袁惟仁 | 陳飛午 | 4:05 |
| 8. | 嗶一聲之後 | 張亞東 | 張亞東 | 4:13 |
| 9. | 推翻（詞：Kwan） | 陳曉娟 | 黃中嶽 | 4:23 |
| 10. | 精彩（詞：王菲；百事可樂廣告《願望篇》主題曲） | 張亞東、王菲 | 張亞東 | 4:45 |
| 11. | 守望麥田（「百年孤寂」粵語版） | C.Y. Kong、Adrian Chan | C.Y. Kong | 5:17 |
| 12. | 郵差（「蝴蝶」粵語版） | Adrian Chan | Adrian Chan | 4:19 |
| 日本版（附加曲目） | ||||
|---|---|---|---|---|
| 曲序 | 曲目 | 作曲 | 編曲 | 時長 |
| 13. | 開到荼蘼（remix） | C.Y. Kong | C.Y. Kong | 3:46 |
| 附贈VCD | |
|---|---|
| 曲序 | 曲目 |
| 1. | 百事可樂廣告願望篇（一分鐘版） |
| 2. | 精彩（music video） |
| 3. | 百事可樂廣告願望篇（製作花絮） |
獎[編輯]
香港：
- 香港電台十大中文金曲頒獎音樂會：
- 1999年度：「十大優秀流行歌手大獎」[1]
- 1999年度：「全球華人最受歡迎女歌手」[1]
- 1999年度：「最佳中文（流行）歌曲獎」：Adrian Chan—「郵差」[1]
- 無綫電視十大勁歌金曲頒獎典禮：
- 1999年度：「亞太區最受歡迎香港女歌星獎」[2]
- 商業電台的叱咤樂壇流行榜：
- 新城電台新城勁爆頒獎禮：
台灣：
- 中文榜中榜：
- 1999年度：Top 20 —「當時的月亮」
- 1999年度：跨世紀女歌手獎