老狼

老狼
男歌手
原名	王陽
羅馬拼音	Wang Yang
國籍	中華人民共和國
籍貫	北京
出世	(1968-12-03) 1968年12月3號 北京
職業	歌手、作詞、作曲
語言	中文
教育程度	大學
配偶	潘茜（2004年10月8號－）
唱片公司	華納唱片

老狼（粵拼：lou5 long4；簡化字：老狼；英文：Lao Lang；1968年12月3號—），中國流行音樂歌手，本名王陽，有「校園民謠之父」嘅稱號。以《睡在我上鋪的兄弟》、《同桌的你》等歌而出名，同高曉松一齊成為中國校園民謠嘅代表人物。

「老狼」嘅由來

「老狼」外號嘅由來有2種講法。

• 佢喺「青銅器」做主唱時，唱歌把聲好似狼。
• 佢喺女朋友生日時唱咗齊秦嘅《狼》，喺唱歌之前話自己願意一直陪伴佢到老，做一匹老狼。

經歷

1968年，喺北京出世，阿爸係中國航空航天部總工程師，阿媽係中央廣播交響樂團團長。佢喺北京市第八中學畢業，1987年考入北京聯合大學無線電專業。1989至1991年，大學期間自組樂隊「青銅器」做主唱，嗰支樂隊係中國第一隻大學生搖滾樂隊。樂隊喺北京各種地下搖滾音樂會同崔健、唐朝樂隊、黑豹樂隊等樂隊同台演出。1991至1993年，樂隊解散。

• 大學畢業後，佢喺中關村一間工業自動化設計公司做過工程師。1993年佢辭工做咗歌手，參加香港大地唱片公司唱片《校園民謠1》嘅錄製。1994年3月，老狼同香港大地唱片公司簽約。1994年4月，包含《同桌的你》同《睡在我上鋪的兄弟》在內嘅專輯《校園民謠1》出咗。1994年4至5月，老狼同香港大地唱片公司解除合約。1995年6月，同黃曉茂創建嘅風行音樂工作室簽約。1995年7月，老狼首張個人專輯《戀戀風塵》由上海聲像出版社發行。2000年2月，同華納唱片簽定唱片約，並同麥田音樂簽定演藝和約。2002年，老狼出咗第2張專輯《晴朗》。2004年10月8號，老狼同潘茜結婚。2007年2月，老狼出咗第3張專輯《北京的冬天》。

2013年1月21號，喺微博曬出新生阿仔嘅相。

《我是歌手》第四季

2016年3月，加盟湖南衛視《我是歌手》第四季、為終極補位歌手，喺第四輪遭到淘汰，之後喺突圍賽演唱《虎口脫險》以第三名突圍成功，喺4月8號總決賽對決張信哲落敗，未能晉級為「終極歌王候選人」。

我是歌手第四季 老狼競演排名
期數	輪數	播出日期	演唱歌曲	原唱	歌曲介紹	排名	得票率	出場序	備註
全碟編曲：龍　隆
10	第四輪排位賽	3月18號	《旅途》	朴　樹	詞／曲：朴　樹	6	9.53%	8	個人最高得票率 歌手互投第1名
11	第四輪淘汰賽	3月25號	《冬季校園》	李曉東	詞／曲：高曉松	7	4.29%	4	個人最低排名同得票率 兩場總成績第7名 結尾加入老狼嘅《睡在我上鋪的兄弟》
12	突圍賽	4月1號	《虎口脫險》	老　狼	詞／曲：郁　冬	3	不詳	8	突圍成功 個人最高排名 歌手互投第2名 獲得142票
13	總決賽第一輪	4月8號	《禮物》	許　巍、汪　峰、周曉鷗、馬上又、李　彤、陳　勁、欒　樹、丁　武、張　楚、李延亮、高　旗	詞：梁　芒、欒　樹 曲：欒　樹	4	不詳	4	幫唱嘉賓：汪峰、周曉鷗、馬上又、欒樹、丁武、陳勁、李延亮、高旗 晉級第二輪
	總決賽第二輪		《米店》	張瑋瑋	詞／曲：張瑋瑋	前六強		1	—
14	2016雙年巔峰會	4月15號	《純真年代》	葉　蓓	詞／曲：郁　冬	—		2	—

專輯

• 《戀戀風塵》 1995年
• 《晴朗》 2002年
• 《北京的冬天》 2007年