顧嘉煇

出自維基百科,自由嘅百科全書
(由顧嘉輝跳轉過嚟)
Jump to navigation Jump to search
顧嘉煇
Joseph Koo Ka Fai
音樂家
原名顧嘉煇
羅馬拼音Koo Ka Fai
英文名Joseph Koo
花名煇哥
阿煇
顧多芬
國籍Flag of Canada.svg 加拿大
永久居留權Flag of Canada.svg 加拿大
香港
籍貫江蘇蘇州
出世1931年或1933年農曆正月初九
中華民國廣州市
屋企 英屬香港窩打老道(早期)
Flag of Canada.svg 加拿大溫哥華(目前)
職業音樂家(早期)
畫家(目前)
語言廣東話英文
教育程度音樂學院畢業
母校Flag of the United States.svg 美國波士頓伯克利音樂學院
仔女顧致和(Ken Koo,囝囝)
父母顧淡明(阿爸)
石穎文(阿媽)
屋企人顧媚(原名「顧嘉瀰」,家姐)
顧嘉鏘(細佬)
出道地 英屬香港
出道作品《夢》(導演陶秦作詞;家姐顧媚主唱)
代表作品《啼笑因緣》(1974年,仙杜拉主唱)
《狂潮》(1976年,關菊英主唱)
《獅子山下》(1979年,羅文主唱)
《上海灘》(1980年,葉麗儀主唱)
《東方之珠》(1981年,甄妮主唱)
《忘盡心中情》(1982年,葉振棠主唱)
《倆忘煙水裡》(1982年,關正傑、關菊英主唱)
《鐵血丹心》、《一生有意義》及《世間始終你好》(1983年,羅文、甄妮主唱)
活躍年代1961年~2016年

顧嘉煇GBSBBSMBE英文Joseph Koo Ka Fai,1931年或1933年農曆正月初九—),江蘇蘇州人、廣州出世,人稱「煇哥」,係加拿大華人,目前已經退休嘅香港音樂家、粵語流行曲嘅奠基人之一。

個人專長[編輯]

顧嘉煇擅長作、編曲同埋指揮,節奏簡潔流暢,曲風兼容中西,寫咗好多家傳戶曉、膾炙人口,直到而家仍被奉為經典金曲,而且為人謙虛有禮,又不斷學習以鞏固知識;因此幾十年來喺樂壇廣結人緣,知名度遍及華人地區;亦曾經先後栽培過無數出名嘅實力派歌手,例如葉麗儀仙杜拉關正傑徐小鳳葉振棠李龍基陳潔靈麥潔文羅文甄妮鄭少秋汪明荃林子祥葉蒨文譚詠麟陳百強張學友呂方張國榮關菊英張德蘭梅艷芳羅嘉良李樂詩等等,所以有「華人歌壇教父」嘅美譽;另外,佢已經一早結咗婚。

生平履歷[編輯]

顧嘉煇喺中華民國廣州出世,鄉下嚮江蘇蘇州;阿爸係顧淡明,阿媽係石穎文;佢親家姐同樣係喺廣州出世,藝名顧媚(真名「顧嘉瀰」),細佬係顧嘉鏘,佢十七歲嗰時全家落到嚟香港,曾經做過琴師,跟家姐顧媚賣唱搵食。六十年代初,顧嘉煇得到邵逸夫方逸華嘅資助,喺美國波士頓伯克利音樂學院(Berklee College of Music)留學。返到香港就喺邵氏憑一首電影插曲《夢》繼而開始咗佢嘅事業里程,之後又加入無綫電視做音樂總監。1981年又再到美國深造音樂半年,回港後繼續為無綫電視效力。

七十至八十年代,佢先後創作咗好多電視劇主題曲,當中以仙杜拉主唱嘅《啼笑因緣》掀起粵語流行曲熱潮。當中佢相當多嘅佳作都係由黃霑作詞。呢個後來被稱為「煇黃」嘅組合到今時今日仍受到誇讚。後來電視歌熱潮逐漸衰落,顧嘉煇開始減產,九十年代又移民加拿大,但兩個人間中都仲有合作,1998至千禧年初更喺香港紅館、廣州、星馬搞過幾次音樂會,反應熱烈。2004年尾,黃霑因病行先一步,顧嘉煇亦有返香港拜祭佢,並表示黃霑嘅離開係佢一生人最大嘅遺憾,少咗一個拍檔,好唔捨得佢。

顧嘉煇所得其他獎項多不勝數,較重要嘅包括香港作曲及作詞家協會音樂成就大獎、香港電台十大中文金曲最高榮譽獎(金針獎前身)、亞洲電影節最佳電影歌曲獎、香港電影金像獎最佳音樂台灣金馬獎最佳音樂等等。

2012年久違返港舉行《顧嘉煇大師經典演唱會》,2015年5月舉行《顧嘉煇榮休盛典演唱會》,之後又喺2016年頭舉辦《顧嘉煇金紫荊慈善演唱會》。

歷年作品[編輯]

顧嘉煇入行幾十年來所作過嘅歌超過1200首,佢有一個稱號叫做「華人樂壇教父」。

  • 《夢》(1961年)~ 原唱:顧媚;曲/編:顧嘉煇;詞:陶秦
  • 《郊道》(1963年)~ 原唱:凌波;曲/編:顧嘉煇;詞:陳又新
  • 《明日之歌》(1967年)~ 原唱:靜婷;曲/編:顧嘉煇;詞:陶秦
  • 《愛你變成害你》(1972年)~ 原唱:潘迪華;曲/編:顧嘉煇;詞:黃霑
  • 《星河》(1972年)~ 原唱:詹小屏、重唱:江鷺;曲/編:顧嘉煇;詞:瓊瑤
  • 《煙雨濛濛》(1973年)~ 原唱:鄭少秋;曲/編:顧嘉煇;詞:蘇翁
  • 《啼笑因緣》(1974年)~ 原唱:仙杜拉;曲/編:顧嘉煇;詞:葉紹德
  • 《田園春夢》(1975年)~ 原唱:伍衛國、關菊英;曲/編:顧嘉煇;詞:盧國沾
  • 《乘風破浪》(1975年) ~ 原唱:楊詩蒂,曲/編:顧嘉煇,詞:盧國沾
  • 《狂潮》(1976年)~ 原唱:關菊英;曲/編:顧嘉煇;詞:黃霑——TVB同名電視劇《狂潮》主題曲
  • 《心有千千結》~ 原唱:鍾玲玲、石修;曲/編:顧嘉煇;詞:盧國沾
  • 《鮮花滿月樓》~ 原唱:張德蘭;曲/編:顧嘉煇;詞:盧國沾
  • 《願君心記取》(1977年)~ 原唱:張德蘭;曲/編:顧嘉煇;詞:盧國沾
  • 《小時候》(1977年)~ 原唱:路家敏;曲/編:顧嘉煇;詞:鄭國江
  • 《小太陽》~ 原唱:路家敏;曲/編:顧嘉煇;詞:鄭國江
  • 《獅子山下》(1979年)~ 原唱:羅文;詞:黃霑;曲/編:顧嘉煇;——香港電台電視劇《獅子山下》主題曲
  • 《茫茫路》(1979年)~ 原唱:張德蘭;曲/編:顧嘉煇;詞:盧國沾
  • 《網中人》(1979年)~ 唱:張德蘭;曲/編:顧嘉煇;詞:鄧偉雄
  • 《上海灘》(1980年)~ 曲/編:顧嘉煇;詞:黃霑;原唱:葉麗儀——TVB同名電視劇《上海灘》主題曲
  • 《萬般情》(1980年)~ 曲/編:顧嘉煇;詞:黃霑;原唱:葉麗儀
  • 《上海灘龍虎鬥》(1980年)~ 曲/編:顧嘉煇;詞:黃霑;原唱:葉麗儀
  • 《親情》(1980年)~ 詞:黃霑;曲/編:顧嘉煇;唱:羅文——TVB同名電視劇《親情》主題曲
  • 《紅顔》(1981年)~ 曲/編:顧嘉煇;詞:鄭國江;原唱:葉麗儀
  • 《女黑俠木蘭花》(1981年)~ 原唱:葉麗儀
  • 《心債》(1982年)~ 原唱:梅艷芳;曲/編:顧嘉煇;詞:黃霑
  • 《勇敢的中國人》(1982年)~ 原唱:汪明荃;曲/編:顧嘉煇;詞:黃霑
  • 《鐵血丹心》(1983年)~ 原唱:羅文、甄妮;曲/編:顧嘉煇、詞:鄧偉雄
  • 《一生有意義》(1983年)~ 曲/編:顧嘉煇、詞:黃霑、原唱:羅文、甄妮
  • 《世間始終你好》(1983年)~ 曲/編:顧嘉煇、詞:黃霑;原唱:羅文、甄妮——無綫電視劇《射鵰英雄傳之華山論劍》主題曲
  • 《萊茵河之戀》(1983年)~ 原唱:麥潔文、曲/編:顧嘉煇;詞:鄭國江(江羽)
  • 《夜夜痴纏》(1984年)~ 曲/編:顧嘉煇;詞:林振強;原唱:麥潔文
  • 《劍影淚痕》(1984年)~ 曲/編:顧嘉煇;詞:鄧偉雄;原唱:麥潔文
  • 《最孤寂時分》(1984年)~ 曲/編:顧嘉煇;詞:盧國沾;原唱:麥潔文
  • 《笑傲江湖》(1984年)~ 曲、編:顧嘉煇;詞:鄧偉雄;原唱:葉振棠、葉麗儀
  • 《雪山飛狐》(1985年)~ 曲/編:顧嘉煇;詞:黃霑;原唱:關菊英呂方
  • 《祇有情永在》(1986年)~ 原唱:張學友鄺美雲;曲/編:顧嘉煇;詞:鄧偉雄
  • 《萬水千山總是情》~ 原唱:汪明荃;曲:顧嘉煇;詞:鄧偉雄
  • 《季節》(1987年)~ 原唱:羅嘉良,曲/編:顧嘉煇,詞:鄭國江
  • 《始終會行運》~ 原唱:張國榮 詞:黃霑 曲:顧嘉輝
  • 《交出我的心》~ 唱:梅艷芳 詞:黃霑 曲:顧嘉輝
  • 《誰可改變》~ 唱:譚詠麟 詞:鄭國江 曲:顧嘉輝
  • 《小李飛刀》~ 唱:羅文 詞:盧國沾 曲/編:顧嘉輝
  • 《歲月風雲》(2007年)~ 詞/張美賢;曲/顧嘉煇;唱/李克勤小剛——無綫電視中國中央電視台電視劇《歲月風雲》主題曲
  • 《難為正邪定分界》(1982年)~ 詞:鄭國江;曲/編:顧嘉煇;唱/原唱葉振棠麥志誠——無綫電視劇《飛越十八層》主題曲
  • 《倆忘煙水裡》(1982年)~ 詞:黃霑、曲/編:顧嘉煇;原唱:關正傑關菊英~電視劇《天龍八部之六脈神劍》主題曲
  • 一生有意義》、《桃花開》、《千愁記舊情》、《肯去承擔愛》~(1983年) 詞/黃霑 曲/顧嘉煇 唱/羅文、甄妮——無綫電視電視劇《射雕英雄傳之東邪西毒》主題曲及插曲
  • 《忘盡心中情》~ 詞/黃霑 曲/顧嘉煇 唱/葉振棠——無綫電視電視劇《蘇乞兒》電視劇主題曲
  • 《當年情》(1986年)~ 詞/黃霑 曲/顧嘉煇 唱/張國榮——電影《英雄本色》主題曲
  • 《奔向未來的日子》(1987年)~ 詞/黃霑 曲/顧嘉煇 唱/張國榮——電影《英雄本色II》主題曲

個人榮譽[編輯]

勳銜[編輯]

榮譽博士學位[編輯]

[編輯]

[編輯]

  1. "一九九八年授勳名單" (新聞稿) (中文). 香港政府新聞公報. 1998年7月1號.
  2. "二○一五年授勳名單 附件:二○一五年獲授勳銜及嘉獎人士的嘉許語" (PDF) (新聞稿) (中文). 香港政府新聞公報. 2015年7月1號. p. 4.
  3. "顧嘉煇 Joseph KOO Ka-fai 2011 榮譽博士" (中文). 香港演藝學院.
  4. "教院頒授榮譽博士予四位傑出人士" (新聞稿) (中文). 香港教育學院. 2014年11月3號.
  5. "教院頒授榮譽博士予四位傑出人士" (新聞稿) (中文). 香港教育學院. 2014年11月14號.
  6. "榮譽人文學博士學位" (PDF) (中文). 香港教育學院. p. 2.
  7. "讚辭 榮譽人文學博士 顧嘉煇先生, MBE, BBS" (PDF) (中文). 香港教育學院. pp. 4–5.
  8. 第77屆大會 (2014) | 頒授學位典禮 | 香港中文大學香港中文大學 (繁體中文)
  9. "歷屆得獎名單" (中文). 世界傑出華人獎.

出面網頁[編輯]