搭錯車
| 搭錯車 Papa, Can You Hear Me Sing? | |
|---|---|
| 資料明細 | |
| 導演 | 虞戡平 |
| 監製 | 張艾嘉 |
| 編劇 | 黃百鳴、吳念真 |
| 主演 | 孫越 江霞 吳少剛 劉瑞琪 李立群 |
| 配樂作曲 | 侯德健 李壽全 羅大佑 吳念真 |
| 製片商 |  新藝城 |
| 產地 |  臺灣 |
| 話 | 台語、華語 |
| 上畫同發行 | |
| 上畫日期 | 1983年 |
| 票房 | 新台幣4000萬元 |
《搭錯車》（英文：Papa, Can You Hear Me Sing?）係以台北市信義路眷村為背景著名嘅歌舞電影，1983年喺臺灣上映，台灣MV風氣可謂濫觴於本片。由虞戡平導演，黃百鳴、吳念真編劇，鐵孟秋制片，演員包括孫越、江霞、吳少剛、劉瑞琪、李立群（一人分飾兩角，即啞叔嘅同袍阿滿，以及同女主角阿美一齊長大、阿滿個仔阿明），幕後配唱就由蘇芮擔任，當時仍然係學生嘅何篤霖喺結局時擔任成身金漆近乎半裸嘅舞者。
呢套戲喺1983年第20屆金馬獎入圍最佳男主角（孫越）、最佳女配角（江霞）等十一項大獎提名，最後奪得最佳男主角、最佳原作音樂、最佳插曲、最佳錄音等4項大獎，虞戡平導演對江霞喺片中精湛，令人動容嘅演出就未能奪得最佳女配角一獎，深感遺憾，其廿幾年後喺呢套戲於電視台重播所做嘅回顧訪談中仍然耿耿於懷，認為「佢應該得獎嘅」。呢套電影創下新台幣4千幾萬元高票房[1]；侯德健、李壽全、羅大佑同吳念真等人創作嘅電影音樂主題曲同插曲〈酒矸倘賣無〉、〈一樣的月光〉、〈請跟我來〉到依家仍然廣泛流行。《搭錯車》電影原聲大碟亦都係中文流行音樂史最重要及最出色嘅作品，呢張唱片同羅大佑嘅專輯《之乎者也》一齊被視為校園民歌時代同現代流行歌曲時代嘅分水嶺。
獲獎紀錄
[編輯]- 最佳劇情片男主角：孫越
- 最佳電影插曲：〈一樣的月光〉李壽全
- 最佳原作電影音樂：陳志遠、李壽全
- 最佳錄音
題材
[編輯]電影以眷村同退役國軍為背景，刻劃咗眷村火災及舊區重建過程中所引起嘅問題。70、80年代台灣經濟急速增長，新生代嘅阿美一心想進入嘅歌舞影壇亦都係本片刻劃嘅主題之一。
主要演員
[編輯]幕後花絮
[編輯]- 原本搭錯車嘅劇本，並唔係目前嘅劇本，後嚟黃百鳴否決，然後由於劇本唔滿意，於是喺張艾嘉嘅要求下，黃百鳴親到台灣聯同導演一同撰寫劇本。黃百鳴同導演寫咗二十四個鐘頭後，導演返屋企，由黃百鳴本人再寫二十四個鐘，黃百鳴連續花咗四十八個鐘，成功撰寫劇本。
插曲
[編輯]何篤霖因參與該片演出違反校規「不得接演校外商業演出」而被記大過處分。