香港教育大學
（英文：The Education University of Hong Kong，縮寫EdUHK，簡稱教大）係香港唯一一間提供師範教育嘅大學，亦係八間大學教育資助委員會轄下法定公立大學之一。1992年6月由五間師訓學院合併而成，成為一間獨立自主嘅「香港教育學院」[1][2][3]。1994年3月，政府頒布《香港教育學院條例》，條例響同年4月25號生效，香港教育學院正式成立[4]。2015年行政長官會同行政會議通過將佢升格做大學，新校名修訂條例草案響2016年5月19號經立法會三讀通過並於5月27號刊憲生效，正式改名做「香港教育大學」（The Education University of Hong Kong）。
