獅子山下 (歌)

出自維基百科,自由嘅百科全書
跳去導覽 跳去搵嘢

獅子山下》係香港一首經典流行曲,本身係1970年代香港電台實況電視劇獅子山下》嘅主題曲,由顧嘉煇作曲同編曲,黃霑填詞,羅文主唱。首次收錄嘅專輯係羅文1979年發行嘅《好歌獻給您》。1996年,經羅文重新灌唱,編曲冇變,收錄喺佢出道25週年嘅精選輯《羅文 25》,並拍攝MV,後嚟成為兩台嘅冠軍歌。2006年,容祖兒發表同羅文隔空對唱嘅版本,收錄於專輯《Ten Most Wanted》(第二版),編曲監製杜自持

《獅子山下》推出初期反響一般,直至八十年代中後期,香港人先至逐漸產生共鳴。2002年,香港陷入政經低潮,財政司司長梁錦松引用呢首歌嘅歌詞勉勵香港人,成為一時熱話。歌曲後嚟廣泛喺民間同政府嘅活動之中,所以被譽為非官方嘅香港之歌。

音樂特色[編輯]

作曲:

  • 曲式結構:前奏A1段-A2段-B段-A3段-間奏-B-A3-尾聲
  • 節奏、速度:4/4拍子,平穩速度。
  • 調:主歌為F大調,副歌有短暫轉調
  • 音域:純十二度。

編曲:

歌詞:

  • 主要一字一音,隔句押韻:「eoi」。
  • 三及第文體(文言、白話、俗語嘅結合)寫成,典雅嘅有「同處海角天邊,攜手踏平崎嶇」,俗嘅有「我哋」。[1]

獎項[編輯]

  • 1999年:世紀中文歌曲選舉(香港電台舉辦)- 入圍前廿名
  • 2010年:國際華語音樂聯盟 - 華語金曲獎:30年30歌[2]

參考[編輯]

  1. "顧嘉煇粵語流行曲分析" (PDF). 音樂-「學與教」資源. 香港教育局. 原著 (PDF)喺2019年10月21號歸檔. 喺2019年12月18號搵到.
  2. "《"華語金曲獎"30年經典揭曉》". 華語金曲獎. 2010-12-12. 原著喺2015-12-22歸檔. 喺2017-12-19搵到.