陳樹英

陳樹英，香港大學文學士，屯門區議會主席同埋兆康選區區議員。

佢喺1994年當選屯門兆康區議員，1995年當選區域市政局議員。2004年曾經參選立法會選舉，出戰飲食界功能界別，但係輸咗畀張宇人。2011年區議會選舉，佢擊敗民建聯同人民力量嘅對手，成功再次連任。

佢喺兆康做區議員期間，爭取過美化兆康街市，同埋喺區內中國銀行取消服務之後，爭取設立中銀提款機。佢亦曾經喺2010年幫兆康隔離嘅紫田村村民爭取不遷不拆。

2012年，佢代表民主黨參加嗰年立法會選舉，出戰新界西選區，但同老公李永達兩張名單齊齊落選。

2019年，佢翻兜參選兆康選區，贏咗上屆贏咗佢嘅民建聯巫成鋒，成功敗部復活，重返區議會，重做埋屯門區議會主席。