黃之鋒

出自維基百科,自由嘅百科全書
Jump to navigation Jump to search
黃之鋒攞住《輕論時政》

黃之鋒Joshua Wong1996年10月13號—),人稱「G Phone」、「河童」,係前香港學生組織學民思潮召集人,而家係香港眾志創黨成員、香港公開大學社會科學榮譽學士班(政治及公共行政)學生。佢嘅前度女朋友係錢詩文

生平[編輯]

黃之鋒響2012年曾經積極組織反德育及國民教育科活動,最後逼使政府撤回強制推行課程嘅決定。

到2014年9月,黃之鋒有份組織中學生罷課,反對人大對香港政改嘅框架限制,響添馬艦政府總部抗議時同其他人突破防線入咗政府總部東翼前地(「公民廣場」),結果畀警方拉咗,令好多人到場聲援,衝擊警方防線,迫使警方動用胡椒噴霧催淚彈驅趕,結果就令到重更加多人走出嚟抗議,引發咗雨遮革命

10月頭,美國《時代雜誌》亞洲版將黃之鋒放上封面,標題係「The Face of Protest」(抗爭嘅面孔)[1]。美國《紐約太陽報》亦發表社論話佢應該獲頒諾貝爾和平獎,表揚佢幫香港年輕一代爭取民主自由[2]

2019年,黃之鋒放監之後,積極參與反修例抗暴之戰,同時宣布參選第6屆香港區議會選舉嘅南區海怡西選區,雖然佢提名期第一日(10月4號)報名,但到舉行抽籤候選人號碼嘅日子(10月24號)都依然未被確認或者取消參選資格,要押後抽籤,去到10月29號,當局正式取消咗佢嘅參選資格,係呢屆區選唯一因政治立場而被取消資格嘅參選人[3]

參考[編輯]