831決定

出自維基百科,自由嘅百科全書
Jump to navigation Jump to search

831決定,又叫831框架,全名叫《全國人民代表大會常務委員會關於香港特別行政區行政長官普選問題和2016年立法會產生辦法的決定》,係中華人民共和國全國人民代表大會常務委員會2014年8月31號通過對香港2017年政改方案決定咗嘅框架。當中2017年行政長官嘅產生辦法涉及「三落閘」:

  • 提名委員會人數、構成同產生辦法要跟返第四任行政長官選舉委員會嘅人數(1,200人)、構成同產生辦法;
  • 唔實行公民提名同政黨提名,行政長官參選人要攞到過半數提名委員會委員支持先至可以做候選人;
  • 候選人限2到3名。

另外,2016年立法會嘅產生辦法亦唔會變動。

影響[編輯]

「831決定」同泛民主派提倡嘅「真普選」有好大距離,泛民主派擔心今次接受咗,就以後都無得再改,所以寧願唔要,維持現狀。呢件事亦直接導致同年9月底爆發雨遮革命,不過呢場社會運動最後失敗告終,當局仍然按「831決定」嘅框架制訂政改方案提交立法會表決,結果喺大批建制派議員唔喺位嘅情況下被大比數否決。

雖然呢次政改搞唔成,但「831決定」依然有效,當下一次搞政改,仍然受到「831決定」約束。

出面網頁[編輯]