真普選

  呢篇文章講嘅係香港政治社會運動的名詞。想搵普通選舉制度，請睇「普遍選舉」。

要求在港舉行公平自由的真普選，支持學生的人士

「真普選」係香港泛民主派爭取實行普選一個訴求，要求爭取由香港人（公民提名）直接選舉行政長官，同埋香港立法會議席全部由直選產生，以此落實民主選舉制度核心理念：參政權為「開放參與」同有真正選舉，保障「實質競爭」正當程序。佢衍生緣由係因為所提倡普選同由香港特區政府所提議有理念同程序上落差。而稱作「真普選」係要同後者有區別。

國際標準

真普選聯盟提出應以1966年聯合國《公民權利和政治權利國際公約》所規範為基礎，即「國際標準」，此公約旨在保證人民所有基本權利，包括自決，自由同公平選舉權利。其中，第25條規定：

每位公民應有下列權利和機會，不受第二條所述之區分（種族、膚色、性別、語言、宗教、政治或其他見解、國籍或社會出身、財產、出生或其他身分等任何區別）和不受不合理的限制：
（甲）直接或通過自由選擇的代表參與公共事務；
（乙）在真正的定期的選舉中選舉和被選舉，這種選舉應是普遍的和平等的並以無記名投票方式進行，以保證選舉人的意志的自由表達；
（丙）在一般的平等的條件下，參加本國公務。

2014年香港學界大罷課抗議人士同標語：有篩選 假普選 ：為未來 要醒來

負責監督《公民權利和政治權利國際公約》係咪要香港遵守2014年10月23日時，聯合國人權委員會專家呼籲保障香港普選，強調普選包括被選舉權同投票權，亦即需要無唔合理限制情況下有參選權。委員會認為開放選舉候選人唔會有審查過濾。

2014年3月20日，香港大學邀請一班知名憲法學者，就香港普選實行國際標準可行性進行討論，提出以下五點：

• 必須確保選舉過程中，香港人可以自由地表達個人意願；
• 提名委員會必須平等地代表每一個香港居民意見；
• 產生提名委員會成員個過程要有包容性、要公開透明同平民可參與；
• 提名程序要合理、公平同透明，可包括經提名委員會確認之公民提名；
• 公民參選、提名同選舉權都不應受到不合理限制。最後專家總結出普選國際標之核心，即要確保選舉選擇中有港人所想。

歐洲聯盟發表年度報告對香港“一國兩制”運行給予肯定，支持香港政府通過與民眾討論，達成2017特首普選制度。

實踐途徑

象徵真普選嘅黃絲帶

功能組別被視為冇乜民主代表性嘅政權禁臠

經歷2007年同2008年，2012年政治制度改革都係達唔到達到「真普選」目標。選舉委員會界別同席位劃分被認為冇乜民意，唔公平，能夠投票選舉該委員會只有少數派，任意性反映界別名額之劃分，傾向性則反映功能界別設置係親資本家(港人稱「商界」，或紅色資本在內)。真普選聯盟將目標擺在香港2017年政改方案。

行動

民間投票

香港中文大學政治與行政學系榮休講座教授關信基於學界大罷課公民講堂談真普選

由「佔領中環」倡議者所發起於2014年6月20日至29日一連十天舉辦6.22民間全民投票有792808人參與，真普聯「公民提名」方案獲得支持，88%投票者認為如政府方案無法讓選民有真正選擇，立法會應予否決。

大型集會

周圍都見到嘅「我要真普選」

香港民眾為爭取真普選多次發動示威抗議活動：

• 2003年：七一大遊行
• 2005年：爭取普選大遊行
• 2007年：撐傘撐2012普選大遊行、反對人大否決普選遊行
• 2008年：爭取2012雙普選大遊行
• 2010年：「還我普選」元旦大遊行（2010年）、五區公投（2010年）
• 2013-2014年：讓愛與和平佔領中環（2013年至2014年）
• 2014年：6.22民間全民投票、2014年香港學界大罷課、重奪「公民廣場」行動、雨傘革命。

「我要真普選」標語流行

「我要真普選」被喻為新獅子山精神。黃底黑字標語、紙條或塗鴉，隨著雨傘革命同10月23日「香港蜘蛛仔」活躍於獅子山岩上，並掛出誓爭真普選巨型直幡，由從街頭走進社區，香港隨處可見，由門窗、辦公室、私家車、大學建築、甚至寵物身上。

• 
  2014年9月之抗議人士及標語：中共謊言 呃足十七年 爭普選落空 撐和平佔中
• 
  2014年9月之抗議人士及標語：《Do You Hear the People Sing?》、我要真普選
• 
  掛在獅子山岩上的「我要真普選」巨型直幡

境外活動

2014年11月16日，臺北市舉行東亞杯足球資格賽香港對臺灣，球評石明謹發起於香港佔中行動第50天「五百黃傘撐香港」活動，當球員進場時撐起數百把黃傘，一片黃色傘海中並一字排開展示「風雨中抱緊自由、自信可改變未來」斗大「雨傘橫額」，同時高唱搖滾樂團「Beyond」首《海闊天空》，高舉「我要真普選」布條支持雨傘革命，聲援香港不畏強權堅持到底。

自由派

内文：香港泛民主派一覽

自由派批評政府提出香港政制改革方案為「小圈子選舉」，並認為該方案係「假普選」。

辨真假

睇埋：小圈子選舉 § 保守派

雨傘革命期間，建制派民建聯香港立法會議員蔣麗芸，指自己上谷歌搜尋唔到所謂「真普選」，並指無真假之分，「真普選」一詞係港人自創，源於學民思潮黃之鋒。

中共指選舉制度被批評便於中央政府控制香港特別行政區行政長官人選，確保有關提名唔符合中央政府心意人選出現，因而被泛民稱為「假普選」。好多當地人期待普選，特別係年輕選民，感覺自己遭到愚弄，從而推動雨傘革命迅速形成具廣泛性之社會運動。

2015年3月，香港特別行政區行政長官梁振英去立法會答覆泛民主派黃碧雲質詢「北韓、緬甸同中共所實行係咪『真普選』？」時回應：每個社會都有自己的真普選，只要根據當地的憲法、制度及選舉法，每個社會的普選都是真普選。

國外經驗

睇埋：臺灣選舉、1950年－1951年中華民國縣市長選舉、中華民國總統及副總統在臺灣之公民直接選舉與罷免、中華民國國會在臺灣之全面選舉與罷免、1992年中華民國立法委員選舉、1994年中華民國省市長暨省市議員選舉、1996年中華民國總統選舉、公民投票法、中華民國全國性公民投票同中華民國地方性公民投票

前韓國國會議員、昔日工運領袖魯會燦喺雨傘革命發生之後話：喺1987年修改《大韓民國憲法》由人民直接選舉總統之前，大韓民國總統都係由當權派篩選後、畀親執政黨嘅一萬人組成選舉團、再由呢一萬人提名候選人，推薦嘅候選人往往只有一兩個、完全唔可以代表民意，接住又由呢啲人喺體育館入面封閉式投票選出下屆總統，做法同香港選舉委員會相似，本質都係「小圈子選舉」。佢話「當民意唔可能通過公平自由嘅選舉過程表達出嚟，就會有街頭抗爭爆發。」「被操縱嘅選舉，不可能代表民意嘅小圈子選舉，最終激起民眾憤怒反彈。」

1960年「四一九革命」，1980年「光州事件」兩次流血抗爭後，上百萬韓國民眾响1987年6月在全國各地示威抗議，執政黨領袖、總統候選人盧泰愚卒之宣布「629民主化宣言」，確立咗沿用到而家嘅公民直接選舉總統制，每個政黨都可推薦一名候選人，無黨派人士只要集齊5,000至7,000名選民推薦就可參選。南韓實施總統直選以嚟，政治生態走入良性循環，暴力抗爭銷聲匿迹。魯會燦表示「南韓嘅民主之樹，喺總統直選制嘅保護下，早已入咗良性循環，建立公民社會，民眾能夠命運自決，人人參政議政」。

睇埋

• 佔中（Occupy Central）全稱「讓愛與和平佔領中環」（Occupy Central with Love and Peace）
• 雨遮革命
• 抗爭派
• 香港本土派
• 取消資格
• 831決定

出面網站

• 香港網絡大典：我要真普選