許智峯

出自維基百科,自由嘅百科全書
Jump to navigation Jump to search
許智峯

許智峯Ted Hui1982年—),花名「峯鴿」,係香港民主黨成員,2011年開始做中西區區議會中環區議員。亦係第六屆香港立法會議員。

簡歷[編輯]

許智峯中學讀聖公會聖西門呂明才中學,大學讀香港城市大學法律學士。佢1999年加入民主黨,喺2007年,佢參選第3屆香港區議會選舉嘅屯門區議會(屯門鄉郊選區),只得554票,輸畀自由黨嘅陶錫源。

2011年參選第4屆香港區議會選舉嘅中西區區議會(中環選區),接替退休嘅黨友阮品強,最後順利接棒,其後喺2015年,亦能順利冧莊。

2016年,許智峯代表民主黨參選第6屆香港立法會選舉香港島直選,排名單頭位,結果順利當選,成功喺黨友單仲偕手上接棒。

2018年4月24號,許智峯喺立法會嘅《廣深港高鐵(一地兩檢)條例草案》委員會會議進行期間,因為唔滿意政府派「狗仔隊」監視議員,喺立法會會議室外搶走保安局一名女行政主任手上嘅文件,再搶去佢嘅政府手機,衝入男廁裡面17分鐘,一度拒絕歸還,結果被裁定普通襲擊、不誠實取用電腦、阻礙公職人員執行職務等3項罪名成立,案件响2019年6月11號喺東區法院判刑,裁判官話:許嘅行為對公務影響唔大,亦冇個人得益,女事主雖然有受驚,但冇肉體受傷,亦都相信許重犯機會低,故判佢240個鐘頭社會服務令及罰款3800蚊。

出面網頁[編輯]