陳健波

陳健波
出生日	1954年  中國大陸
出生地	中國大陸
母校	Ng Wah Catholic Secondary School
職業	太平紳士、政治人
[改維基數據]

陳健波，BBS，JP（KP Chan，1954年—）係香港立法會（保險界功能界別）議員，而家係慕尼黑再保險公司香港分公司 Advisory Board Member、之前做過慕尼黑再保險公司香港分公司行政總裁，恒生銀行助理總經理同埋保險業務主管，華商保險公會主席同埋香港保險業聯會主席。中國大陸出世，籍貫廣東潮州。

2008年香港立法會選舉嗰時，保險界功能界別立法會議員陳智思唔角逐連任，陳健波最尾以60票對52票贏咗另一名候選人蔡中虎，成為第四屆香港立法會議員。

舊陣時陳健波加入恒生銀行後由練習生做起，做嘢好辛苦，大約有八年時間過住「日出而作，日入而溫習」嘅生活，就算放年假都係為咗預備考試。31年後離職嗰陣，陳健波係恒生銀行助理總經理同埋保險業務主管。

陳健波關注基層問題，包括最低工資同埋全民退休保障計劃等。佢認為香港有需要設立全民退休保障制度，嚟幫補強積金嘅不足，重多次出席爭取全民退休保障聯席活動。

而家嘅公共服務

• 太平紳士
• 大珠三角商務委員會委員
• 香港按揭證券有限公司董事
• 強制性公積金計劃諮詢委員會委員
• 健康與醫務發展諮詢委員會委員
• 健康與醫務發展諮詢委員會屬下醫療融資工作小組成員
• 保險業諮詢委員會委員
• 選舉委員會委員

榮譽

• 銅紫荊星章（2012年）
• 金紫荊星章（2017年）

出面網頁

• 陳健波嘅官方網站
• "香港特別行政區立法會 - 議員履歷 ::陳健波議員, GBS, JP" (用中文寫). 香港特別行政區立法會. 
• "陳健波" (用中文寫). 東亞銀行. 
• 陳健波嘅Facebook頁