陳穎欣 (政治人)

陳穎欣（英文：Joephy Chan Wing-yan，1990年 12月1號—）係第七屆香港立法會新界西南選區議員，工聯會成員，深水埗區議會麗閣選區前議員。

簡歷[編輯]

陳穎欣先後喺香港大學經濟及金融學士同英國倫敦大學法學學士畢業，之後入咗工聯會做深水埗社區幹事。佢做地區工作嗰陣成日幫街坊捉蝨，所以嗰陣有個花名叫「蝨王欣」^[1]。

2015年區議會選舉，陳穎欣頭一次代表工聯會出戰深水埗麗閣區議席，挑戰民協馮檢基，喺民協前成員黃仲祺𠝹票下，最後陳穎欣攞2,531票當選，贏馮檢基99票。2016年上任。

2019年嘅第6屆香港區議會選舉，陳穎欣繼續喺麗閣選區尋求冧莊。但喺反逃犯條例修訂運動，親中派逆民意強行支持修訂，佢攞到3,051票，雖然得票比四年前重多咗520票，但都係以541票之差輸畀民協嘅李炯，連任失敗。

喺2021年9月，佢成為香港特别行政區選舉委員會委員(有關全國性團體香港成員的代表)^[2]。

喺2021年第7屆香港立法會選舉，佢參選新界西南選區，以62,690票當選，成為當屆立法會最後生嘅女議員。

2022年，佢喺李家超無提政綱嘅情況下，有份提名李家超參與2022年香港行政長官選舉^[3]。

佢老豆係做過工聯會副理事長嘅陳志光。

呢篇同香港政治人相關係楔位文。歡迎幫維基百科擴寫佢。