劉業強

劉業強（Kenneth Lau，1966年—），係新界鄉議局主席，香港立法會嘅鄉議局功能界別議員、行政會議成員，亦係香港經濟民生聯盟黨員。佢同時係屯門鄉事委員會主席，同埋屯門區議會當然議員。

劉業強係新界鄉議局前主席劉皇發嘅大仔，所以又有花名叫「發仔」，佢重有個細佬劉業光，係一名醫生。

2017年，劉業強獲特首林鄭月娥委任，成為行政會議成員。

馬主生涯

劉業強係香港賽馬會會員，早喺香港主權移交之前（1995年至1996年馬季），已經開始擁有自己嘅名下馬匹，當中包括「強人」、「知己知彼」、「好知己」、「驌龍」、「騂龍」、「翠龍」、 「好日子」、「精彩日子」、「精彩小子」、「精彩京城」、「精彩傳奇」等等。