鄺俊宇

鄺俊宇
出生日	1983年2月9號  （38歲）
出生地	英屬香港
國籍	英屬香港、中華人民共和國
母校	香港專業進修學校
職業	政治人、作家、詞曲作家、作曲家、填詞
政黨	民主黨
[改維基數據]

鄺俊宇

鄺俊宇（Roy Kwong，1983年2月9號—），花名「鄺神」、「逗號先生」，係香港立法會嘅區議會（第二）功能界別立法會議員，亦係民主黨成員（黃偉賢嘅徒弟）。

遇襲

2019年9月24號朝早，鄺俊宇喺天水圍俾三個人打傷。

關注議題

喺從政期間，佢除咗關注民主政制，爭取普選外，佢亦花咗唔少時間關注動物議題。

事件

關注動物權益被屈穎妍雙重標準針對

喺2017年10月，觀塘一間藥房有貓被指襲擊一名內地遊客，從而引起網上討論，仲有鄺俊宇同民建聯立法會議員劉國勳嘅跟進。不過，屈穎妍就曾經撰寫專欄文章，叫人唔好考慮事情對錯，然後又批評鄺俊宇由元朗（鄺俊宇嘅區議會選區所在）踩過去唔係自己選區嘅觀塘，話佢鼓勵社會唔守法，仲話「大家可以愛心爆棚，但請別借愛心之名推倒法治」。不過，鄺俊宇同劉國勳其實都唔係地區直選議員，觀塘對於佢哋都唔算係直接負責嘅選區，但屈穎妍對於劉國勳由北區踩過去觀塘，就從未作出批評。呢件事後嚟亦一啲學者引述，批評屈穎妍所作所為導致香港社會兩極化。

出面網頁

• "香港特別行政區立法會 - 議員履歷 ::鄺俊宇議員" (中文). 香港特別行政區立法會.
• "元朗區議會 - 元朗區議會議員資料" (中文). 元朗區議會.
• "鄺俊宇 - 民主黨" (中文). 民主黨.
• "鄺俊宇 - 民主黨" (中文). 民主黨.
• 香港網絡大典：鄺俊宇
• 鄺俊宇嘅Facebook頁
• 鄺俊宇嘅Facebook頁