47人案
47人案，又叫47人初選案或者民主派初選35+47個人案件，係指香港政府喺針對2020年香港民主派初選嘅檢控聯同拘捕者，2021年1月初起，就針對立法會民主派初選嘅一啲檢控拘捕，泛民議員認為呢嗰嘅都係政治檢控。香港政府喺2021年1月6號進行咗對參與過呢次初選嘅候選人進行大搜捕，並且喺2月28號正式落案起訴其中47個人。有部分傳媒形容呢次係「港版美麗島」事件[1]。
大搜捕
[編輯]2021年1月6號，香港2020年立法會選舉民主派初選參與者被香港警務處國家安全處以《港版國安法》入面嘅「顛覆國家政權罪」進行大規模搜捕[2][3]，事件引起香港本地同國際社會廣泛爭議[4]。當時一眾參與嘅泛民主派人士被通知4月再向警方報到。
檢控前夕情況
[編輯]喺2月27號，50幾個被告忽然收到警察通知要求「提前報到」，當時外界就猜測第二日就會落案起訴，即時還柙。有啲人形容呢日係『自由嘅最後一日』，而50幾個被告點過呢幾日，亦成為咗部份傳媒，或者係被告本身喺自己社交媒體討論嘅話題[5]。
- 鄒家成晚上搵咗師傅紋身紋上六字大明咒嘅藏文（漢語又寫做「唵嘛呢叭咪吽」）。佢話，之所以選擇紋上呢段，係因為希望就算失去自由，都有經文作伴，畀自己力量[5]。
- 袁嘉蔚受訪問嘅時候就話要同自己嘅巴斯光年公仔，仲有議員辦事處門外嘅貓貓講再見[5]。
- 岑子杰選擇去探望黃店[5]。
- 伍健偉選擇擺街站，見街坊最後一面，期間得到好多街坊同佢打氣。街站結束後，伍健偉去咗剪頭髮同食一餐好[5]。
- 呂智恆去咗擺街站，收集街坊寫畀在囚人士嘅信件[5]。
- 陳志全話，唔希望畀恐懼支配日常生活，決定如常約朋友打排球，又話只要一息尚存，就有機會捲土重來[5]。
- 余慧明喺呢一日同工會其他成員喺會址聚會，去到最後大家都抱頭相擁喊咗出嚟[5]。
另外，協調民主派初選嘅民主動力亦宣布歷史任務，宣告解散[6]。
拘捕後檢控情況
[編輯]喺2021年2月28號，警方用「串謀顛覆國家政權」嘅罪名，提早告仍然坐緊監嘅前香港眾志秘書長黃之鋒，仲收押緊嘅人民力量副主席譚得志、前民主黨主席胡志偉，同埋戴耀廷、區諾軒、趙家賢、何桂藍、郭家麒、譚文豪、楊岳橋、林卓廷、林景楠、岑子杰等47個人。而涂謹申、鄺俊宇、劉凱文、袁偉傑、關尚義、安德里、李國麟同埋李芝融就暫時唔告住，要喺5月4號報到多次[7]。
當日清晨，社民連成員拉起「國安法無法無天，釋放所有政治犯」橫額到油麻地警署現場聲援，旁邊其他聲援人士舉起「政治檢控可恥 無懼白色恐怖」等標語抗議，警員喺現場開咪警告佢哋有可能違反限聚令。[8]有4個黨員俾佢用「串謀顛覆國家政權」罪名告嘅公民黨話，「一生平安，磊落做人，但世事有時兩難全」呢句嘢之中，個黨只係可以努力咁實踐後面嗰句，之後喺心裏面祝願平安，又話歷史會企喺公義嗰邊，仲話「見字坐直飲水，黎明終必來到」[7]。
面對政府正式起訴，無俾人告嘅民主黨油尖旺奧運區議員、前立法會議員涂謹申就喺離開警署嗰陣，話對於民主派俾人檢控覺得「不可理喻」，認為係理解唔到同埋用道理講清楚[9]。而俾人告嘅朱凱廸新西團隊荃灣海濱區議員岑敖暉喺Facebook鼓勵大家，話「毋須懷憂喪志，這條路是我們自己選，是整個香港一齊選，選了，就要繼續走下去。歷史沒有回頭路，只有身前身。」[7]。
審訊當日情況
[編輯]由於事件被告眾多，得到好多市民同傳媒廣泛嘅關注。審訊期間，有唔少市民都用上唔同方式支持多個被告。例如聽審或者喺法院外面聲援。運載被告嘅囚車經過嗰陣，唔少市民高叫「撐住」、「加油」、「頂住」[10]。
第一日審訊
[編輯]喺第一日審訊（3月1號）嘅前一晚，已經有市民通宵留守排隊。去到審訊第一日嘅朝早8點，已經有近200人喺西九龍裁判法院外排隊，當中有唔少人都着咗黑色衫抗議。排隊頭位嘅係天水連線、元朗區議員林進。另外，涉同案被捕但未被起訴嘅民主黨鄺俊宇、離島區議員王進洋、沙田區議員陳運通、黃文萱亦有到場輪候同埋聲援，好多市民大叫口號，現場有唔少群眾和應。有市民拉起「釋放政治犯」橫額，但警察就聲稱佢哋違反國安法，之後被民陣召集人陳皓桓要求解釋，但警察無回應問題，只係叫現場嘅人散開[11][12][13]。有市民被問及怕唔怕警察「限聚令」告佢哋，佢哋亦表示仍然想親身支持47個被告，又用上粗口批評政府[14]。
除咗引起大批嘅市民喺西九龍裁判法院外聲援同埋排隊等攞公眾席籌外，歐盟、英國、美國、德國、荷蘭、加拿大、瑞典、澳洲都分別有代表喺現場排隊等入去法院旁聽[15]。
之後，民主派有唔同代表喺現場用大聲公向市民發言致謝，同時批評政府嘅政治檢控同埋對民主聲音嘅打壓[13]：
- 陳皓桓呼籲大家堅持信念，唔好令社會只有獻媚中共聲音。佢又批評，民主派初選不過係動用《基本法》所賦予嘅權力，呢次檢控明顯屬政治打壓，目的係將所有爭取民主自由嘅人噤聲[13]。
- 民主黨主席羅健熙發言嘅時候，就表明就算多個民主派區議員被控，其他民主派會幫佢哋做好佢哋嗰份。佢又批評政府編織罪名，質疑民主派已舉辦初選多年，反問係咪彈劾行政長官就會違反《國安法》[13]。
- 社民連吳文遠指，今次檢控若然入罪，唔止係47名民主派人士坐監，而係百萬計嘅民主嘅聲音被打壓。
去到開審嗰陣，司法機構話，庭內座位全數預留畀各被告嘅律師團隊，記者同公眾人士只能獲安排觀看即時直播[16]。案件本身定咗喺11點後開庭，但直到12點幾，仲有民主派嘅被告仲未見律師。單案由國安法指定法官、總裁判官蘇惠德做主審，控方嗰邊代表係副刑事檢控專員楊美琪，辯方律師代表就有資深大律師夏博義、許紹鼎、潘熙同埋梁家傑；大律師方面就有馬維騉、黃宇逸、譚俊傑、張耀良同埋黃瑞紅等[17]。其中一個被告，前記者何桂藍喺內庭話自己開庭前仲未可以同律師見面[18]。而東區區議員徐子見就因為要留喺醫院無去到聆訊。單案喺晏晝12點50分開庭，國安法指定法官、總裁判官蘇惠德一開庭就話，知道仲有部分律師仲等緊同被告見面以及聽下有咩指示，所以就問下辯方需要幾多時間準備。辯方就話仲未準備好，仲講明仲有最少18個律師等緊同被告見面同埋聽下有咩指示，而且仲有律師爆料話喺晏晝兩點前仲未可以同被告人見面，同埋聽下有咩指示，喺討論完之後，案件推遲到晏晝3點半再開庭。而堆籌號喺晏晝5點14分已經全部派嗮[17]。
-
多名市民喺西九龍裁判法院裡面同外面聲援，仲舉起「五一」手勢 -
歐盟、英國、美國、德國、荷蘭、加拿大、瑞典、澳洲都分別有代表喺現場排隊等入去法院旁聽 -
-
陳日君樞機喺外圍輪候緊公眾席 -
輪候公眾席籌號人龍長到去400米之外嘅發祥街 -
建制派人士喺法院出面支持警方 -
半夜仲有市民留守喺度送車
第二日審訊
[編輯]法庭喺12點16分開庭，比原定嘅11點30分遲咗近45分鐘。其中徐子見、楊雪盈、譚凱邦、梁國雄、林景楠因為前一日嘅馬拉松式審訊安排仍然留院，而戴耀廷就去咗高等法院出席「佔中九子案」上訴聆訊[19]。
去到夜晚10點，仍然有8名被告未作出保釋申請。有被告嘅辯護律師話，一眾被告已被扣柙將近四日，四日三夜冇沖涼、全身衣服都冇換，已經構成衛生問題，望蘇惠德可以畀被告家屬交替換衣物畀被告。但係被蘇惠德拒絕[20]。
連續幾日冇沖涼換衫嘅被告劉偉聰，去到處理佢申請保釋嘅時候，話「原來褫奪一個人嘅自由係會褫奪埋佢嘅個人衛生、褫奪埋儀容衛生帶來嘅自信，人嘅自由原來咁重要」[20]。
判決
[編輯]| 被告 | 判刑 |
|---|---|
| 戴耀廷 | 10年 |
| 鄒家成 | 7年9個月 |
| 吳政亨 | 7年3個月 |
| 趙家賢 | 7年 |
| 何桂藍 | 7年 |
| 區諾軒 | 6年9個月 |
| 余慧明 | 6年9個月 |
| 林卓廷 | 6年9個月 |
| 梁國雄 | 6年9個月 |
| 何啟明 | 6年7個月 |
| 施德來 | 6年7個月 |
| 柯耀林 | 6年7個月 |
| 鄭達鴻 | 6年6個月 |
| 楊雪盈 | 6年6個月 |
| 彭卓棋 | 6年6個月 |
| 黃碧雲 | 6年6個月 |
| 陳志全 | 6年6個月 |
| 鍾錦麟 | 6年1個月 |
| 伍健偉 | 5年7個月 |
| 林景楠 | 5年2個月 |
| 楊岳橋 | 5年1個月 |
| 梁晃維 | 4年11個月 |
| 張可森 | 4年11個月 |
| 黃之鋒 | 4年8個月 |
| 尹兆堅 | 4年8個月 |
| 岑敖暉 | 4年6個月 |
| 馮達浚 | 4年5個月 |
| 劉澤鋒 | 4年5個月 |
| 譚得志 | 4年5個月 |
| 胡志偉 | 4年5個月 |
| 朱凱廸 | 4年5個月 |
| 黃子悅 | 4年5個月 |
| 吳敏兒 | 4年5個月 |
| 劉頴匡 | 4年5個月 |
| 王百羽 | 4年3個月 |
| 袁嘉蔚 | 4年3個月 |
| 岑子杰 | 4年3個月 |
| 李嘉達 | 4年3個月 |
| 譚凱邦 | 4年3個月 |
| 呂智恆 | 4年2個月 |
| 徐子見 | 4年2個月 |
| 毛孟靜 | 4年2個月 |
| 譚文豪 | 4年2個月 |
| 郭家麒 | 4年2個月 |
| 范國威 | 4年2個月 |
| 李予信 | 罪名唔成立 |
| 劉偉聰 | 罪名唔成立 |
法庭以外嘅聲援
[編輯]香港以內
[編輯]- 民間電台喺3月6號喺銅鑼灣記利佐治街擺街站，希望市民關注事件。唔少市民到街站向47人寫慰問信，希望略盡綿力為佢哋打氣。有市民批評，強權之下，當權者肆意拘捕異見者，未審先判[21]。
- 有市民專誠去到譚文豪被剝奪立法會議員資格之後，喺旺角開嘅茶餐廳「一日三餐」，冷雨下仍然擔遮排隊幫襯。有市民受訪嘅時候亦講到明係為咗支持譚文豪[22]。
- 香港監察（Hong Kong Watch）發起聯署，促請歐盟，除非中共廢除《國安法》，否則拒認《中歐投資協定》。聯署又話北京違反《中英聯合聲明》改寫香港嘅選舉制度，更加以嚴厲嘅《國安法》對民主派人士進行大規模逮捕同審判，侵犯《基本法》同埋《公民權利和政治權利國際公約》所保障嘅基本自由，認為睇唔到歐盟繼續承認該投資條約嘅理由。呢個聯署由24名香港社運人士聯署，當中包括13名已流亡海外嘅香港民主派人士[23]。
海外聲援
[編輯]- 喺3月1號，有一批喺澳洲墨爾本嘅香港人去到維多利亞省嘅州立圖書館，門外和平請願聲援，佢哋高舉『光復香港，時代革命』等口號標語[24]。
- 3月5號喺伯明翰市中心Bullring 商場外舉行集會，有過百人參加，期間佢哋高叫抗爭口號，舉起唔同嘅政治標語，亦有播《願榮光歸香港》[25]。
- 喺3月6號，英國諾定咸市中心亦有港人發起集會，近50人出席，歷時近一個鐘頭，有父母帶埋小朋友參與，亦有英國人出席，以向香港傳遞嚟自英國嘅聲援同關注。參加者舉起各式各樣手寫嘅標語，包括「Release All Political Prisoners」、「Democracy is not a crime」、「Free Hong Kong」等，集會亦有播放《願榮光歸香港》，眾人偶然高喊「光復香港 時代革命」等口號[26]。
其他國家／地區嘅反應
[編輯]英國
[編輯]爭議
[編輯]律政司被指企圖未審先判送被告入監獄
[編輯]律政司喺2月28號起訴47名民主派參與初選人士，但係去到開庭嗰陣，先話要時間處理大量數碼鑑證，要求押後3個月去到5月31號再次提堂，期間反對所有被告保釋。多名辯方律師喺庭上表明反對，質疑時間太長唔合理，又批評差人未做好調查急於提控，係自相矛盾。由於多名被告都係區議員，多名辯方代表都批評咁做阻住佢哋做嘢，對佢哋嘅選民極度唔公平[27]。民主黨前主席劉慧卿喺第二日聆訊（3月2號）嗰陣有嚟旁聽，批評律政司做法離譜，唔止未完成舉證，仲想未審先判將40幾人送去監獄還柙，形容係香港法律界嘅大醜聞，無嗮程序公義，又呼籲中央政府尊重中英聯合聲明[19]。
另外，被捕之後，律政司一再申請將聆訊押後，而多名被告亦要繼續被還押，做法被人批評[28]。
蘇惠德主審被指不人道同濫用司法程序安排
[編輯]主審法官蘇惠德被指安排失當，將程序拖慢處理。當副刑事檢控專員都頂唔順要求放飯小休，但蘇惠德仍然堅持，結果導致好多被告身體不適，相繼送院。其中被告之一楊雪盈，仲因為蘇惠德嘅馬拉松式聆訊，去到3月2號凌晨約1時45分暈倒，低血壓、食唔到嘢，要做腦部掃描[29][30]。有部分評論批評蘇惠德缺乏同理心，專登整蠱一眾被告[31][32][33]。由於蘇惠德堅持一次過提堂，有被告4日3夜冇沖涼或者換衫，但係蘇惠德亦以唔同嘅理由拒絕[34]。有被告嘅代表律師批評佢刻意進行馬拉松式聆訊，係濫用司法程序[35]。
另外，去到聆訊第二日，已經有啲被告四日三夜冇沖涼、全身衫都冇換，但蘇惠德都唔畀佢哋換衫。有辯方律師形容，咁樣係對被告嘅肉體煎熬[36]。
三個重點質疑
[編輯]前香港大學法律院院長陳文敏提出咗三個重點質疑國安法庭嘅判決。[37] 一、「無差別否決財政預算案」唔一定係濫權，亦都可以係為咗履行其他憲制責任而做嘅決定； 二、《基本法》嘅設計唔係關注立法會用乜嘢理去否決財政預算，而係特首應唔應該有權解散立法會； 三、基於政治理由而否決財政預算案，咴歐、美民主國家都有發生，屬於議會嘅正常運作，《基本法》嘅設計係考量過呢種行政立法衝突。
陳文敏又質疑，《基本法》冇提到議員要有否決理由，而特首亦有權解散立法會重選，既然成個否決行為係喺設計之內，咁點解會構成顛覆呢？係咪《基本法》第49條到50條違反咗《國安法》？如果《基本法》同《國安法》有牴觸，咁應該邊個有優先權？修改《基本法》係一系列嘅程序，唔係通過一條法例就可以修改。[38]
睇埋
[編輯]- 陳鑫 (香港)：被部分人視為政府喺2020年香港立法會選舉民主派初選協調內部會議期間潛伏喺泛民主派裡面嘅內鬼
- 香港民主派初選大搜捕
參考
[編輯]- ↑ 〈"港版美丽岛"21人覆核保释 全部失败〉。Radio Free Asia (英文)。喺2021-03-12搵到。
- ↑ 〈【不斷更新】戴耀廷鍾庭耀及數十民主派初選參與者據報被捕 被指違國安法「顛覆國家政權罪」〉。《立場新聞》。2021-01-06。原著喺2021-01-06歸檔。喺2021-01-07搵到。
- ↑ 〈初選大搜捕︱52民主派因35+初選遭國安拘捕指顛覆國家 戴耀廷被押到馬鞍山警署〉。《蘋果日報》。2021-01-06。原著喺2021-01-06歸檔。喺2021-01-06搵到。
- ↑ 〈初選大搜捕｜國際傳媒高度關注放重點新聞 NHK頭條報道 CNN、《紐時》等美媒紛紛推播〉。《蘋果日報》。2021-01-06。原著喺2021-01-07歸檔。喺2021-01-06搵到。
- ↑ 5.0 5.1 5.2 5.3 5.4 5.5 5.6 5.7 〈【致自由】因初選或被起訴還柙 好撚喜歡香港的他們 「最後一天」怎樣過 | 立場人語 | 立場新聞〉。《立場新聞 Stand News》 (英文)。原著喺2021-02-28歸檔。喺2021-03-04搵到。
- ↑ 〈曾協調民主派初選 民主動力宣佈即日停止運作及解散 趙家賢：歷史任務已完 | 立場報道 | 立場新聞〉。《立場新聞 Stand News》 (英文)。原著喺2021-02-28歸檔。喺2021-03-04搵到。
- ↑ 7.0 7.1 7.2 〈【香港大搜捕】民主派47人今赴警署報到 立即被控顛覆國家政權罪明出庭〉。《蘋果日報》。2021-02-28。喺2021-02-28搵到。
{{cite news}}: CS1 maint: url-status (link) - ↑ 〈【香港大搜捕】岑子杰被立案起訴 社民連聲援「國安法無法無天」〉。《蘋果日報》。2021-02-28。喺2021-02-28搵到。
{{cite news}}: CS1 maint: url-status (link) - ↑ 〈初選大搜捕︱民主派47人被起訴涉嫌串謀顛覆國家政權罪 通宵扣留明早提堂〉。《蘋果日報》。2021-02-28。原著喺2021-03-19歸檔。喺2021-02-28搵到。
- ↑ 〈47民主派提堂︱送車師吶喊聲響遍法院外 銀髮夫妻一家三口送暖：好心酸 ｜ 蘋果日報〉。《Apple Daily 蘋果日報》 (香港中文)。原著喺2021-03-04歸檔。喺2021-03-04搵到。
- ↑ 〈【3.1民主派大審判】法庭外市民高叫「光時」 舉「釋放政治犯」橫額 | 獨媒報導〉。《香港獨立媒體網》。喺2021-03-07搵到。
- ↑ 〈【3.1民主派大審判】數百市民穿黑衣到庭聲援 沙田區議員撐劉頴匡：當佢親人一樣 | 獨媒報導〉。《香港獨立媒體網》。喺2021-03-07搵到。
- ↑ 13.0 13.1 13.2 13.3 〈【3.1民主派大審判】民陣陳皓桓：我哋唔能夠遊行示威，但我哋能夠排隊聲援 | 獨媒報導〉。《香港獨立媒體網》。喺2021-03-07搵到。
- ↑ 〈【3.1民主派大審判】數百市民穿黑衣到庭聲援 沙田區議員撐劉頴匡：當佢親人一樣 | 獨媒報導〉。《香港獨立媒體網》。喺2021-03-07搵到。
- ↑ 15.0 15.1 〈【初選 47 人被控顛覆】歐盟及多國領事排隊聽審 英領事：國安法與「影響少數人」說法有異〉。《立場新聞》。2021-03-01。原著喺2021-04-25歸檔。喺2021-03-01搵到。
- ↑ 〈【初選47人案】被控串謀顛覆國家政權 談笑等待開庭 岑敖暉：切忌懷憂喪志 林卓廷：老婆我愛你 | 獨媒報導〉。《香港獨立媒體網》。喺2021-03-07搵到。
- ↑ 17.0 17.1 〈【不斷更新】初選 47 人被控串謀顛覆開庭 指定法官蘇惠德負責 律政司表明反對保釋〉。《立場新聞》。2021-03-01。原著喺2021-04-26歸檔。喺2021-03-01搵到。
- ↑ 〈民主派初選 47 人被控顛覆的案件，由國安法指定法官、總裁判官蘇惠德處理，原本預計今早 11 時後開庭處理案件，但中午約12時半，仍未正式開庭。被告之一何桂藍庭上大聲投訴，「開庭之前我無得見我嘅律師！」引起一陣騷動。有職員就回應佢「你坐返低」〉。《立場新聞 - Facebook》。2021-03-01。喺2021-03-01搵到。
{{cite news}}: CS1 maint: url-status (link) - ↑ 19.0 19.1 〈【初選47人案】今午續開庭 5人仍在留院缺席 | 獨媒報導〉。《香港獨立媒體網》。喺2021-03-11搵到。
- ↑ 20.0 20.1 〈【初選47人案】史上首次連續3日聆訊 辯方稱被告四日三夜冇涼沖冇衫換 | 獨媒報導〉。《香港獨立媒體網》。喺2021-03-13搵到。
- ↑ 〈寫信聲援 市民︰佢哋幫60萬人頂 ｜ 蘋果日報〉。《Apple Daily 蘋果日報》 (香港中文)。原著喺2021-03-13歸檔。喺2021-03-11搵到。
- ↑ 〈47民主派提堂︱市民排隊幫襯「一日三餐」撐譚文豪：佢喺法庭撐緊 我哋都要撐住佢！ ｜ 蘋果日報〉。《Apple Daily 蘋果日報》 (香港中文)。原著喺2021-03-04歸檔。喺2021-03-04搵到。
- ↑ 〈全面管治權︱13流亡港人聯署促歐盟拒認《中歐投資協定》 ｜ 蘋果日報〉。《Apple Daily 蘋果日報》 (香港中文)。原著喺2021-03-12歸檔。喺2021-03-12搵到。
- ↑ 澳洲維港 (2021年3月1號)。"Victoria Hongkongers Stand with Home Kong" (香港中文)。喺2021-03-04搵到。
- ↑ 〈【初選47人案】過百港人英國伯明翰集會聲援 一家大細舉光時旗盼幫香港發聲 | 獨媒報導〉。《香港獨立媒體網》。喺2021-03-13搵到。
- ↑ 〈半百居英港人集會打氣 ｜ 蘋果日報〉。《Apple Daily 蘋果日報》 (香港中文)。原著喺2021-03-13歸檔。喺2021-03-11搵到。
- ↑ 〈眾新聞 | 【初選大起訴】4度開庭逾7句鐘始處理保釋申請 料通宵審理 控方申休庭「放飯」被拒〉。《眾新聞》 (中文)。原著喺2021-03-12歸檔。喺2021-03-11搵到。
- ↑ 〈【47人案】原定月尾再訊 消息﹕律政司申請延至明年 2 月 屆時 33 人被關押近 1 年 | 立場報道 | 立場新聞〉。《立場新聞 Stand News》。原著喺2021-11-14歸檔。喺2021-11-14搵到。
- ↑ 〈【47 人案】楊雪盈馬拉松式聆訊後暈倒送院 低血壓、無法進食、要做腦部掃描 | 立場報道 | 立場新聞〉。《立場新聞 Stand News》 (英文)。原著喺2021-03-03歸檔。喺2021-03-03搵到。
- ↑ 〈【初選47人案】直踩至翌日凌晨 楊雪盈疑不適暈倒 官押後至今早11時半 | 獨媒報導〉。《香港獨立媒體網》。喺2021-03-07搵到。
- ↑ 〈程序安排失當、不知所謂的總裁判官蘇惠德 | 讀者來論〉。《眾新聞》 (中文)。原著喺2021-04-16歸檔。喺2021-03-02搵到。
- ↑ 〈【初選47人案】馬拉松式提訊 三度因未準備好休庭 庭上屢傳談笑聲 | 獨媒報導〉。《香港獨立媒體網》。喺2021-03-02搵到。
- ↑ 〈【初選47人案】直踩至翌日凌晨 楊雪盈疑不適暈倒 官押後至今早11時半 | 獨媒報導〉。《香港獨立媒體網》。喺2021-03-02搵到。
- ↑ 〈47民主派提堂︱一直羈押4日3夜沒洗澡沒更換內衣褲 法官拒協助：可以就當然盡量就啦 ｜ 蘋果日報〉。《Apple Daily 蘋果日報》 (香港中文)。原著喺2021-03-03歸檔。喺2021-03-03搵到。
- ↑ 〈47民主派提堂︱大律師批評律政司濫用司法程序 法庭選擇馬拉松式聆訊「唔人道」 ｜ 蘋果日報〉。《Apple Daily 蘋果日報》 (香港中文)。原著喺2021-03-02歸檔。喺2021-03-03搵到。
- ↑ 〈【初選47人案】史上首次連續3日聆訊 辯方稱被告四日三夜冇涼沖冇衫換 | 獨媒報導〉。《香港獨立媒體網》。喺2021-03-13搵到。
- ↑ 〈評47人初選案 / 陳文敏〉。《明報新聞網》 (繁體中文)。喺2024-10-21搵到。
- ↑ 〈港初選案｜陳文敏：否決財案屬基本法設計 質疑為何會構成顛覆〉。《大紀元》 (繁體中文)。喺2024-10-21搵到。