關尚義

關尚義
職業	律師
[改維基數據]

關尚義（英文：John Joseph Clancey，1941年10月9號—）係美籍香港律師。

John Clancey喺美國新澤西州一個工人家庭出世。佢大個加入瑪利諾修會。佢本來想去拉丁美洲教會，但上頭 lau3 他去當時啱啱經歷六七暴動嘅香港，佢應承咗。1968年，佢來到香港，原先改咗個名叫「gwok3 laan4 si6」，收尾佢睇英文版《三國演義》、《水滸傳》同《紅樓夢》來了解中國文化，一睇《三國》鍾意關公，問過朋友之後改名關尚義。

關尚義先喺新亞書院學咗9個月粵語，再住喺橫頭磡老虎岩徒置區一個家庭。時任教區主教徐誠斌邀請關尚義加入天主教大專聯會做其中一位神師。1970年代，關尚義主要服務理工學院，金禧事件、油麻地避風塘艇戶事件等等佢都有參與，亦喺嗰時識咗參與學運嘅何俊仁。

羅馬及部分地區先後成立天主教正義和平委員會，提供介入社會議題嘅途徑畀教友同非教友。關尚義負責整理寫信畀成立咗天主教正委嘅地區，攞佢哋嘅組織圖、憲章同活動報告等等參考，之後向胡振中樞機提出建議。關尚義回憶話：「佢哋話，呢個議題好，感謝你所做嘅準備。但佢哋話，有人覺得你太激進，你會唔會接受你唔做創立成員？我話冇問題，完全冇問題，只要成立正委就好。此後，我都冇直接參與其中，我老婆都做過成員，但我從來冇正式參與其中，因為我畀人睇做激進。」

1985年，關尚義還俗結婚。1991年，做緊亞洲區勞工權益嗰陣，受走難嘅錫蘭律師鼓勵，佢決定報讀半工讀法律課程。之後佢喺何俊仁律師樓實習，1997年正式做咗事務律師。

2021年，香港國安差佬捉咗53個參與立法會初選嘅民主派政治人，關尚義係其中之一。