馮達浚
馮達浚（Fung Tat Chun Frankie，1995年7月1號—），香港泛民主派人士，九龍城大小事主席，半島連線召集人，龍城社區主任，2020年香港立法會選舉民主派初選九龍西選區參選人。佢喺馬頭涌官立小學（紅磡灣）、拔萃男書院同埋香港浸會大學傳理學院畢業。
經歷[編輯]
佢喺接受2021年3月接受獨立媒體 inmediahk.net訪問嘅時候提到，2014年雨遮運動係佢嘅政治啟蒙，嗰陣佢唸大學讀二年級，當時佢參與罷課，喺金鐘食過催淚彈，但係喺雨遮運動之前，自己其實唔係太睇新聞[1]。
香港修例風波期間，馮達浚同埋胡戩創辦網媒《加山傳播》 [2] [3]。之後，佢又參與戴耀廷發起嘅「風雲計劃」，出戰2019年香港區議會選舉嘅龍城選區，僅以99票之差輸畀吳寶強[1]。
2020年7月，佢參與2020年香港立法會選舉民主派初選，出戰九龍西選區，最後馮達浚攞到7,671票排第五，同排第四嘅何啟明（7,791票）相差僅120票，但係成績比角逐連任嘅民主黨立法會議員黃碧雲好。不過，亦由於參與咗呢次嘅初選，佢同埋另外46個有份參與初選嘅民主派人士，喺2021年初被香港警察以顛覆國家嘅名義控告[1]。
軼事[編輯]
- 警察於2019年8月31喺進入太子站對乘客使用武力後，馮達浚同埋九龍角落主席李軒朗等四人去咗太子站站長室外提交請願信，但係被拒絕，之後港鐵宣佈太子站關閉。[4]
參考[編輯]
- ↑ 1.0 1.1 1.2 〈【大搜捕後】公子哥兒變身廖化不言悔 馮達浚：睇唔到香港重光都唔緊要 | 獨媒報導〉. 《香港獨立媒體網》. 喺2021-03-02搵到.
- ↑ 〈修例風波一周年｜《加山傳播》不止抗爭新聞 冀帶民間問題入政總〉. 《香港01》. 2020-06-18. 喺2020-07-17搵到.
- ↑ 〈網媒《加山傳播》暫停運作 創辦人：不曾要求捐款慷慨解囊 不能苛求成員隨時候命〉. 《立場新聞》. 2020-07-16. 原著喺2020-07-17歸檔. 喺2020-07-17搵到.
- ↑ 社區人士嘗試太子站內遞請願信 港鐵其後宣布關站