容海恩

出自維基百科,自由嘅百科全書
跳去: 定向搵嘢

容海恩英文Eunice Yung Hoi Yan1977年6月7號—),花名「容E」、「海恩BB」,自號「法律界桂綸鎂」,新民黨副主席、公民力量成員,係香港第六屆立法會議員,亦係執業大律師。

佢本嚟係加拿大卑詩大學主修電腦系,畢業後返香港讀法律。

2015年12月,容海恩創辦香港青年專業網絡,並成為青專網創會主席[1]。2016年初,容海恩喺新民黨主席葉劉淑儀邀請下正式入黨[2],正式代表新民黨、公民力量,並夥拍譚領律等其餘六人喺第6屆香港立法會選舉出戰新界東選區地區直選[3][4],雖然佢喺選舉論壇期間嘅表現令人失望,令到親泛民嘅媒體恥笑佢係「西環契女」、「契妹恩」,不過,佢喺葉劉淑儀嘅大力支持下,結果排名單頭位嘅佢,以36,183票順利當選,被稱為「輸在起跑線,贏在終點線」嘅最佳例子。

濕碎嘢[編輯]

容海恩除咗係新民黨、公民力量嘅義務法律顧問、銀河管樂團主席之外,亦有「法律界桂綸鎂」稱號,有啲網民就話佢似馬海倫,但佢自稱貌似吳綺莉[5];除此之外,佢亦係文武全才,除咗鍾意唱歌[6]之外,重識吹小號[7]及彈鋼琴,此外有習武嘅習慣,學過跆拳道同埋龍拳[8][9]。此外,佢亦喺E周刊都市日報寫專欄,分別係「恩為有理」、「海恩大狀」。

曾擔任公職[編輯]

  • 香港青年專業網絡主席
  • 海上絲綢之路協會-青年機遇委員會副主席
  • 香港專業及資深行政人員協會理事

參考[編輯]

出面網頁[編輯]