容海恩

容海恩
出生日	1977年6月7號  （45歲）
出生地	香港
國籍	中華人民共和國
母校	卑詩大學、香港城市大學、City University of Hong Kong School of Law
職業	政治人
政黨	新民黨
配偶	Derek Yuen
[改維基數據]

容海恩，JP（英文：Eunice Yung Hoi Yan，1977年6月7號—），花名「容E」、「海恩BB」，自號「法律界桂綸鎂」，新民黨副主席、公民力量成員，香港立法會第六屆議員，亦係執業大律師。

佢本嚟係加拿大卑詩大學主修電腦系，畢業後返香港城市大學讀法律。

2015年12月，容海恩創辦香港青年專業網絡，並成為青專網創會主席。2016年初，容海恩喺新民黨主席葉劉淑儀邀請下正式入黨，正式代表新民黨、公民力量，並夥拍譚領律等其餘六人喺同年第6屆香港立法會選舉出戰新界東選區地區直選，雖然佢喺新界東選舉論壇期間嘅表現令人失望，令到親泛民嘅媒體恥笑佢係「西環契女」、「契妹恩」，不過，佢喺葉劉淑儀嘅大力支持下，結果排名單頭位嘅佢，以36,183票順利當選。

2020年，容海恩因為得唔到葉劉淑儀同中聯辦支持，冇得連任立法會議員。不過佢曾經現身支持初選時期嘅對手、喺第6屆香港立法會選舉論壇俾佢形容係冇義氣，同埋係「食碗面，反碗底」嘅李梓敬。

曾擔任公職

• 香港青年專業網絡主席
• 海上絲綢之路協會-青年機遇委員會副主席
• 香港專業及資深行政人員協會理事

個人榮譽

• 太平紳士（2019年）

屋企

容海恩同屋企人都係屬於親中共人士，尤其佢老豆做過中國國企華潤嘅高層，但係老公袁彌昌屋企就多數係反共人士，老爺袁弓夷同姑仔袁彌明都有投身政治運動。

容海恩喺四年立法會議員任期內兩次大肚，生咗兩個女，係香港史上第一個做緊議員嗰陣大肚嘅議員。

2022年8月，容海恩喺東方日報發表聲明，宣布同袁弓夷脫離翁媳關係。由於「家翁」喺粵語又叫做「老爺」，所以佢篇聲明將段關係錯誤寫成「爺媳關係」。

選舉經歷

2021年，佢喺李家超無提政綱嘅情況下，有份提名李家超參與2022年香港行政長官選舉。

碎料

容海恩除咗係新民黨、公民力量嘅義務法律顧問、銀河管樂團主席之外，亦有「法律界桂綸鎂」稱號，不過好多網民就話佢似馬海倫，但佢自稱貌似吳綺莉。

除此之外，佢鍾意唱歌之外，重識吹小號及彈鋼琴，此外有習武嘅習慣，學過跆拳道同埋龍拳。

此外，佢亦喺E周刊、都市日報寫專欄，分別係「恩為有理」、「海恩大狀」。

出面網頁

• 容海恩嘅官方網站
• 〈香港特別行政區立法會 -容海恩議員, JP〉 (繁體中文). 香港特別行政區立法會.
• 〈香港特別行政區立法會 - 議員資料庫〉 (繁體中文). 香港特別行政區立法會.
• 〈新民黨議員〉 (繁體中文). 新民黨.
• 香港網絡大典：容海恩
• 容海恩願溝通 視抨擊作磨練
• 【立會選戰‧新界東】一擊即中 容海恩晉身立會！
• 容海恩嘅Facebook頁