中央人民政府駐香港特別行政區聯絡辦公室

出自維基百科,自由嘅百科全書

中央人民政府駐香港特別行政區聯絡辦公室英文Liaison Office of the Central People's Government in the Hong Kong Special Administrative Region),簡稱香港中聯辦中央政府駐港聯絡辦,係中華人民共和國國務院香港特別行政區嘅代表機構,總部響香港島西營盤干諾道西160號西港中心,前身係新華通訊社香港分社喬冠華係創社社長)。

香港中聯辦喺2000年成立,前身係新華通訊社香港分社,係中央人民政府駐香港嘅三個機構之一,另外兩個分別係外交部駐香港特別行政區特派員公署(負責香港對外事務)同解放軍駐香港部隊(負責香港防務)。中聯辦喺中國內地設有三個辦事處,分別係廣東聯絡部(地點位於廣州)、深圳辦事處同北京辦事處。

簡介[編輯]

中央人民政府駐香港特別行政區聯絡辦公室(簡稱中聯辦),前身係新華通訊社香港分社,喺1947年5月成立,係中央政府派駐香港嘅機構。香港主權移交之前,新華通訊社香港分社以中華人民共和國政府駐香港最高代表機構嘅身份,履行中央賦予嘅各項職責。香港主權移交之後,新華通訊社香港分社繼續作為中央人民政府授權嘅工作機構履行職責。香港特區政府喺1999年7月2號喺《政府憲報》度公布,新華通訊社香港分社係中央人民政府喺香港特區設立嘅機構之一。1999年12月28號,國務院第24次常務會議決定,將中央人民政府授權嘅工作機構新華通訊社香港分社,改名做「中央人民政府駐香港特別行政區聯絡辦公室」,簡稱「中聯辦」。

主要職能[編輯]

  1. 聯繫系外交部駐香港特別行政區特派員公署同中國人民解放軍駐香港部隊。
  2. 聯繫並協助內地有關部門管理喺香港嘅中資機構。
  3. 促進香港與內地之間嘅經濟、教育、科學、文化、體育等領域嘅交流同合作。
  4. 聯繫香港社會各界人士,增進內地同香港之間嘅交往。反映香港居民對內地嘅意見。
  5. 處理有關涉台事務。

內設機構[編輯]

  • 辦公廳
  • 人事部
  • 宣傳文體部
  • 協調部
  • 研究部
  • 社團聯絡部
  • 社會工作部
  • 經濟部
  • 教育科技部
  • 台灣事務部
  • 青年工作部
  • 法律部
  • 機關工作部
  • 信息咨詢
  • 保安部
  • 警務聯絡部
  • 行政財務部
  • 港島工作部
  • 九龍工作部
  • 新界工作部
  • 北京辦事處
  • 廣東聯絡部
  • 深圳培訓調研中心(深圳辦事處)

睇埋[編輯]

出面網頁[編輯]