林素蔚

林素蔚（Connie Lam，1987年12月31號—），係香港親中派專業動力成員、聖雅各福群會註冊社工，第七屆香港立法會議員。

早年經歷

佢係土生土長嘅將軍澳人，大學攻讀社工專業。

選舉經歷

2019年香港區議會選舉，林素蔚出選西貢澳唐區，得到親中派『堅料網』幫手宣傳，但因為親中派漠視民意堅持如期修訂逃犯條例，選情大受影響，林素蔚輸咗畀爭取連任嘅新民主同盟呂文光。

2021年香港立法會選舉，林素蔚代表專業動力參選新界東南選區地區直選，以三成得票取得席位。

2022年，佢喺李家超無提政綱嘅情況下，有份提名李家超參與2022年香港行政長官選舉。

爭議

• 2024年1月21日，林素蔚喺立法會會議提出咗3條關於政府預防糖尿病共222字嘅口頭質詢，同7年前謝偉俊同樣喺立法會提出嘅，竟然有91%相似，謝偉俊受訪指林素蔚提問題嗰陣最好係「經過獨立思考同草擬」。