莫錦貴

莫錦貴（Mok Kam Kwai，1961年—）係香港鄉事派政治人，經民聯成員，沙田鄉事委員會主席。

選舉經歷

喺2016年，佢成為香港特别行政區選舉委員會鄉議局委員。之後，佢有份提名林鄭月娥參與2017年香港行政長官選舉。

喺2021年9月，佢成為香港特别行政區選舉委員會鄉議局界委員。

2021年第7屆香港立法會選舉，佢用經民聯身份參選鄉議局功能界別議席，挑戰同屬經民聯、角逐連任嘅劉業強，最後落選。

2022年，佢喺李家超無提政綱嘅情況下，有份提名李家超參與2022年香港行政長官選舉。