雷頌德（Mark Lui，1969年7月9號—），香港流行歌曲創作人，亦係東亞唱片（製作）（Amusic）嘅董事同寰亞傳媒集團嘅A&R Director。佢出名作品包括黎明嘅《情深說話未曾講》、陳慧琳嘅《風花雪》同《花花宇宙》等。佢除咗係個音樂人之外，亦係一名設計師。
雷頌德出道至今為樂壇創作及監製過唔少歌曲，除咗成為黎明同陳慧琳嘅御用創作人之外，亦創作出多首紅遍全港嘅作品，例如梁漢文嘅《七友》、楊千嬅嘅《小城大事》等年度大熱作品。
