林慕德

林慕德
國籍	香港
信奉	伊斯蘭教
母校	拔萃男書院
職業	詞曲作家、音樂製作人
風格	粵語流行曲
[改維基數據]

林慕德（Mahmood Rumjahn）係巴基斯坦裔香港人。

生平

林慕德聲言自己「中立、唔知乜嘢係政治」。佢曾經為夏韶聲撰寫民主歌曲《媽媽我沒有做錯》。喺2012年林慕德為民建聯會歌《真誠為香港》重新編咗曲。

2014年佢高調參與撐國教、反同性戀、聲討小學教師林慧思嘅李偲嫣成立嘅反佔中團體「正義聯盟」，以「救急扶危」為名，落區招募1.5萬至2萬名糾察隊義工，支援反佔中行動。林慕德擔任咗「正義聯盟」顧問一職同為活動寫咗以反佔中為題嘅活動主題曲《和氣生財》，同埋請到歌手葉振棠獻唱。

林慕德喺傳媒訪問中表示特首梁振英即使「搞唔掂」市民都要原諒佢，更指傳媒有責任「令個社會知碇」，受到社會大眾猛烈抨擊。香港D100電台由2014年1月29日起禁播由林慕德創作及葉振棠主唱嘅歌曲。

2014年2月，同彭家麗喺慈善騷合唱《從不喜歡孤單一個》時走音而成為話題人物嘅紅日娛樂公司主席朱壽仁（朱主席）同林慕德合作，推出賀年MV《和氣增才》，講香港繁榮發展。

2014年10月林慕德為反佔中組織撐警大聯盟創作及主唱主題曲《香港生命》，個「MV」10月3號上載Youtube後負評比率高達九成八。

2016年創作梁美芬主唱嘅《反拉布之歌》。