許冠文

出自維基百科,自由嘅百科全書
跳去: 定向搵嘢
許冠文

許冠文JP英文Michael Hui1942年9月3號—)係香港電影導演演員編劇,好叻拍喜劇,有「冷面笑匠」嘅稱謂。

屋企[編輯]

祖籍廣東番禺。有兄弟許冠武許冠英許冠傑

事業[編輯]

1970年代1980年代,許冠文做過導演,同佢兩個細佬許冠英許冠傑一齊拍咗一系列好受歡迎嘅電影喜劇。許冠文亦曾為香港早期嘅粵語流行曲作詞。許氏兄弟都係喺香港成長,受西式教育嘅一代。佢哋嘅作品喺當時係香港本地流行文化嘅先驅,正好反影香港本土意識喺1970、1980年代嘅形成;對香港流行文化影響特別大。

許冠文喺香港中文大學社會系畢業,做過中學教師,重喺廣告公司做過嘢。1968年香港無綫電視任職,做《校際常識問答比賽》(第一任)同埋《歡樂今宵》嘅節目主持。1971年佢同許冠傑一齊演出喜劇綜合節目《雙星報喜》,特受歡迎。1972年第一次演電影,響李翰祥導演嘅《大軍閥》做男主角。1974年許冠文、許冠傑兄弟同嘉禾電影公司合作,拍咗《鬼馬雙星》、《半斤八兩》、《摩登保鑣》呢啲喺香港大破電影票房紀錄嘅喜劇。佢1980年代過後嘅作品重有《鐵板燒》、《雞同鴨講》、《神算》呢啲。

許冠文得過第一屆香港電影金像獎最佳男主角獎,亦係香港演藝人協會嘅永遠榮譽會長,重係太平紳士添。

作品[編輯]

出面網頁[編輯]