康樂園

康樂園（Hong Lok Yuen），香港一地，亦係一園，喺大埔以北。園於一九八〇年到一九九三年間，變成住宅區，屬低密度。向北到泰亨坳仔村，向南過三渡坑、梅樹坑入大埔，向東可到林村。康樂園地屬大埔區。

地理[編輯]

康樂園係谷。東靠九龍坑山一脈。西面開闊。

英國接收新界時記載，康樂園原本係大坑山圍附近一谷。大坑新圍條村，就喺火車軌東面隔離。大坑，卽今日泰亨，新圍由老圍嗰便分支出來。谷中有兩條大涌，流向老圍。老圍有徑越谷，過山到大埔墟，卽今日大埔舊墟。

康樂園喺大埔道十八咪半左近，原爲農莊，軍人李福林亦居於此。東便係菓園，西便係花園，以住花園新年時，會賣桃花。而內亦有餐廳^[1]。

九廣鐵路雖然路過依康樂園西邊，但附近並無火車站。交通靠大埔公路。大埔公路有支路叫康樂園路，出入康樂園，內裏有廿幾條街。有自己巴士出入康樂園。大埔公路有康樂園巴士站，不過近三渡坑嗰邊。

園內有幾條路。由康樂園路入，有十字路口，可轉入康樂園市中心徑。直行有打圈嘅康樂西路，去返開初路口。康樂西路去到至東，有康樂東路，東路到尾，又大半個圈去返康樂西路至北位。

大路之外又分叉做二十八街。