三渡坑
三渡坑，香港一地，喺新界大埔，林村河邊，英文Sam To Hang。三渡坑喺康樂園西南，較寮下之東，梅樹坑之北，有大埔頭原水抽水站，隔河為大埔公路大窩段，西便有吐露港公路天橋。社山東北一脊，亦盡於三渡坑。
交通[編輯]
三渡坑可由大埔公路入，有條馬路天橋過林村河。或者由石蓮路，經大埔濾水廠馬路入。不過兩者都係私家路，唔開畀公眾用。另有兩條行人天橋過林村河。三渡坑巴士站，喺大埔公路快樂亭側邊。
大埔公路依段有單車徑，起自大埔頭帝欣苑，可以踩入林村或者大窩。
名[編輯]
三渡坑本義不明。香港普遍叫河涌做坑，故此坑指林村河。水淺時，林村河行得過，可為渡口。然而暴雨過後，水漲水急就難過，故此後人建石橋往大埔舊墟。
史[編輯]
三渡坑原本係田地，西便大埔公路一條石橋過河，北便有堰，閘水耕田。田地種稻為主。
後來石橋因水務建設而沒。
水[編輯]
三渡坑今下為水務署供水重地。林村河嘅水，會抽入輸水隧道，輸去船灣淡水湖。故此有尼龍壩，閘住林村河啲。