I Will Always Love You

出自維基百科,自由嘅百科全書
跳去: 定向搵嘢
我將永遠愛你
I Will Always Love You
桃莉·巴頓專輯
收錄專輯 喬倫娜英文Jolene (album)
發行 1974年6月16號
音樂類 鄉村音樂
長度 2:53
唱片公司 RCA唱片
監製 鮑勃·弗格森英文Bob Ferguson (music)
桃莉·巴頓單曲年表
喬倫娜英文Jolene (song)
(1973年)
我將永遠愛你"
(1974年)
愛像蝴蝶英文Love Is Like a Butterfly
(1974年)

Template:Extra chronology

我將永遠愛你》(英文I Will Always Love You)詞曲都出自美國鄉村女歌手桃莉·巴頓之手,佢都係呢隻歌嘅原主唱,1974年首度發行單曲。桃莉·巴頓本人就曾兩度發行過呢首單曲,除咗佢之外,西洋樂壇上有唔少男女歌手翻唱過《我將永遠愛你》,其中以1992年雲妮侯斯頓重新詮釋嘅版本最令人熟悉,堪稱史上最成功嘅翻唱歌曲之一。

歌曲簡介[編輯]

創作由來[編輯]

桃莉·巴頓當初寫呢首歌嘅緣由是要獻畀佢嘅恩師,多謝佢嘅提攜同埋祝福佢,係一首同愛情無關嘅歌曲。Porter Wagoner係桃莉·巴頓嘅恩師,佢喺桃莉·巴頓21歲時就邀請佢做電視節目《The Porter Wagoner Show》嘅固定班底,但後來當桃莉·巴頓要離開呢個節目時,佢為咗多謝Porter Wagoner對佢嘅提攜之恩,所以寫咗呢首歌曲送畀Porter Wagoner,同時都衷心祝福佢。剩係桃莉·巴頓喺歌詞方面譜寫成咗情歌,但歌詞入面提到雙方關係結束指嘅唔係男女雙方感情,而係事業上嘅合作關係。

商業成績[編輯]

《我將永遠愛你》喺1974年6月8號上咗告示牌鄉村歌曲榜冠軍,單曲最早收錄喺桃莉·巴頓1974年發行嘅專輯《Jolene》入面。1982年呢首歌伴隨著桃莉·巴頓所主演嘅歌舞片《春城無處不飛花》(The Best Little Whorehouse in Texas)再次發行,1982年10月16號再次上咗榜冠軍,1982年版本嘅《我將永遠愛你》就收錄喺《春城無處不飛花》嘅電影原聲帶入面。


雲妮侯斯頓 版本[編輯]

I Will Always Love You
雲妮侯斯頓專輯
收錄專輯 終極保鑣
B面 "Jesus Loves Me" "Do You Hear What I Hear?"
發行 1992年11月3號 (1992-11-03)
嘥士
錄製 Spring 1992
音樂類
長度 4:33
唱片公司 Arista
監製 大衛·福斯特
雲妮侯斯頓單曲年表
"We Didn't Know"
(1992)
"I Will Always Love You"
(1992)
"I'm Every Woman"
(1993)

我將永遠愛你》(英文I Will Always Love You)係1992年美國電影《終極保鑣》(英文The Bodyguard)主題曲,由雲妮侯斯頓(Whitney Houston)主唱。呢首歌出自美國鄉村女歌手桃莉·巴頓之手,佢喺1974年推出單曲曾獲得鄉村歌曲榜冠軍。雲妮侯斯頓喺1992年所演唱嘅《我將永遠愛你》,係由名音樂製作人大衛·福斯特重新編曲製作後嘅版本,除咗將呢首歌曲帶出鄉村音樂嘅範疇,一躍成為全球熱門點播歌曲之外,都令雲妮侯斯頓嘅演藝事業再創高峰。

歌曲資料[編輯]

電影主題曲[編輯]

1992年電影《終極保鑣》(英文The Bodyguard)由凱文·科斯納(Kevin Costner)同雲妮侯斯頓連袂主演,當時揾緊適合嘅電影主題曲,原本雲妮侯斯頓意屬老牌靈魂樂手Jimmy Ruffin嘅歌曲《What Becomes Of The Brokenhearted》,但首歌喺1991年已被電影《油炸綠番茄》(英文Fried Green Tomatoes)用咗。後來凱文·科斯納推薦《我將永遠愛你》呢首歌曲畀雲妮侯斯頓,但佢介紹嘅唔係最初桃莉·巴頓嘅版本,而係佢嘅多年摯友琳達·朗絲黛(Linda Ronstadt)喺1975年翻唱嘅版本,最終雲妮侯斯頓接受咗用呢首歌曲當電影主題曲。

唱片公司邀請名音樂製作人大衛·福斯特幫雲妮侯斯頓重新打造《我將永遠愛你》,令佢符合當代市場大眾嘅口味。而喺大衛·福斯特的巧思之下,令原本鄉村味十足嘅歌曲,脫胎換骨成充滿黑人靈魂音樂曲風嘅情歌,雲妮侯斯頓能咁成功完美嘅詮釋呢首歌曲,大衛·福斯特功勞唔可以收埋。

商業成績[編輯]

呢首歌趕喺1992年嘅聖誕檔期前推出,果真造成轟動,單曲喺1992年11月28號上咗告示牌單曲榜榜首,蟬連咗14週冠軍,最後先喺翌年嘅3月6號退位,銷售數字高達驚人嘅4白金[1],單曲喺榜入面停留咗29週[2],係雲妮侯斯頓喺榜入面停留最耐嘅一首單曲。呢首歌嘅14週冠軍名列告示牌單曲榜第2位,僅次喺瑪麗亞·凱莉大人小孩雙拍檔16週冠軍嘅《One Sweet Day》。紅遍全球嘅《我將永遠愛你》理所當然成為1993年告示牌最佳年度單曲,雲妮侯斯頓都因此成為史上首位同時擁有最佳年度專輯(1986年首張個人同名專輯)同單曲嘅女藝人。呢首歌喺2013年經RIAA再次認證2白金,喺美地區銷售已累積6白金。

而《我將永遠愛你》除咗喺美國獲得好成績外,喺英國單曲榜都咁好,蟬連咗10週冠軍[3],成為雲妮侯斯頓喺英國成績最好嘅一首單曲。

雲妮侯斯頓以呢張電影原聲帶同主題曲《我將永遠愛你》,獲得1993年第36屆葛萊美獎3項大獎,包括『Album Of The Year』、『Record Of The Year』同『Best Pop Vocal Performance, Female』[4]

另外,喺全美音樂獎入面,雲妮侯斯頓更一舉攞咗『最受歡迎流行/搖滾女歌手』、『最受歡迎流行/搖滾女歌手專輯』、『最受歡迎流行/搖滾女歌手單曲』、『最受歡迎節奏藍調靈魂樂女歌手』、『最受歡迎節奏藍調靈魂樂女歌手專輯』、『最受歡迎節奏藍調靈魂樂女歌手單曲』、『最受歡迎成人抒情歌曲專輯』同埋『全美音樂獎音樂成就特別獎』等8項大獎。

Billboard音樂獎方面,雲妮侯斯頓攞咗9項大獎,包括『最暢銷單曲』、『最佳流行單曲』、『最暢銷節奏藍調單曲』、『最佳節奏藍調單曲』、『最佳流行單曲女藝人』、『最佳流行女歌手單曲藝人』、『最佳節奏藍調單曲藝人』、『最佳流行專輯』同埋『最佳節奏藍調專輯』。

《我將永遠愛你》喺2012年2月11號雲妮侯斯頓死咗之後,短暫咁重返單曲榜,2012年2月25號進榜直攻第7名,下個禮拜躍升至第3名,成為呢首單曲再次返榜嘅最高名次,第3個禮拜之後排名始往下跌[5]

單曲收錄[編輯]

呢首歌分別收錄喺終極保鑣嘅電影原聲(1992)[6]雲妮侯斯頓精選集(1992)到。2000年《The Greatest Hits》、2001年《Love, Whitney》、2007年《The Ultimate Collection》、2012年《I Will Always Love You - The Best of Whitney Houston》同埋2014年《Whitney Houston Live: Her Greatest Performances》。

參考[編輯]