森美

出自維基百科,自由嘅百科全書
Jump to navigation Jump to search
森美
SammyLeung2007.jpg
出生日 1973年12月3號 Edit this on Wikidata
出生地 香港 Edit this on Wikidata
國籍 中華人民共和國 Edit this on Wikidata
母校 香港中文大學喇沙書院 Edit this on Wikidata
職業 歌手演員DJ、television actor Edit this on Wikidata
配偶 Veronica Chan Edit this on Wikidata

森美1973年12月3號—),原名梁志健,有「商台霸王」、「香港畢彼特」之稱,係香港商業電台DJ,主持電台節目。亦係無綫電視藝員同節目主持。

底細、履歷[編輯]

森美祖籍喺廣東中山市[1],佢喺葵涌葵盛邨長大,讀過聖士提反書院赤柱)、喇沙書院同埋香港中文大學1994年參加商業電台「叱吒殺6新大陸」(DJ選舉比賽)而入行,主持週日節目《恐怖份子》、《志健美先生》,若干年後同小儀主持另一個節目《森美變態樂園》,之後二人一直都合作主持節目,好似《森美小儀 dot dot dot》、《森美托小儀所》、《森美小儀山寨王》、《架勢堂》等,其中一節目名為《笑談廣東話》更大受歡迎。2003年開始獨立擔當節目主持,有《森美移動》。佢係2001年商業電台「18-24歲最受歡迎DJ」。現時主持嘅節目有《早霸王》(同小儀共同主持)同埋《森美移動》(同詹志民細So陳強一齊主持)。

森美亦曾經喺有線電視吳君如主持《先睇星期四》、《再睇星期五》節目,2005年12月播映最後一集。2006年擔任國際華裔小姐競選司儀,2006年3月至9月期間同電台拍檔小儀主持無綫電視綜藝節目《15/16》。同年獲電視廣播有限公司頒發「最受歡迎主持人」。2007年同楊千嬅主持《殘酷一叮》第二代,2008年同小儀主持若干集《亮相》。2009年同小儀一齊主持TVB 節目《千奇百趣》,介紹日本各地嘅珍奇事。

森美同時亦係金牌大風旗下藝人,主演電影包括《甜絲絲》、《我要做Model》、《雀聖2—自摸天后》,客串《新紮師妹》、《新紮師妹2》、《新紮師妹3》、《醒獅》、《狼牙》。早年更加擔當《4x100 水着份子》男主角。2015年,佢同古天樂楊千嬅吳浣儀吳耀漢馮淬帆合演電影《五個小孩的校長》。

因為同叻哥同月同日,森美喺35歲生日晌《架勢堂》入面話自己要年年25歲,森美重自稱係叻哥接班人。但小儀就認為森美係大傻哥接班人。近年佢亦都經常喺《星島日報》寫專欄,名為《公子日記》。

2006年6月,森美同小儀喺電台節目《架勢堂》嘅遊戲環節「香港十大」選舉「我最想非禮的香港女藝人」,畀婦女團體指侮辱女性。事後電台將佢哋兩人停薪留職兩個月。

2019年7月,森美喺電台節目《早霸王》因應元朗暴力事件崩潰爆喊,並將原定環節改為畀聽眾點歌。

婚姻狀況[編輯]

結咗婚(老婆係陳雅嫻),有一個仔同一個女。

演出[編輯]

節目主持(無綫電視)[編輯]

參考[編輯]

出面網頁[編輯]