葵涌

出自維基百科,自由嘅百科全書
跳去: 定向搵嘢

葵涌Kwai Chung)響香港新界西南部,以前係涌名同村名,家下係一個大區。葵涌西面係藍巴勒海峽,對住青衣島,西北係大窩口荃灣,東南係荔枝角美孚新邨,東北係和宜合城門。東面係金山,係連緜九龍同大帽山之間。過咗山係沙田

地理上葵涌東同北係高山,西面沿岸有座山,南面係填地。

行政上葵涌歸葵青區

[編輯]

《粵大記》中「葵涌」嘅記載(右下)。

葵涌原本係荃灣東面一條涌,流入垃圾灣(又叫醉酒灣),條涌周圍有幾條村,其中葵涌村(又叫下葵涌)就響涌口,而上葵涌村就其中一支流上游。後來香港政府發展荃灣新市鎮,將垃圾灣填平。條河就變成暗渠流入藍巴勒海峽

行政[編輯]

荃灣新市鎮將葵涌成個區分成兩部份,上葵涌同下葵涌。上葵涌,又叫做北葵涌,係北面靠山嘅地方,例如石蔭石籬梨木樹,原上葵涌等地。而下葵涌,又叫南葵涌,係南面填地,同東面兩面嘅山,好似葵興葵芳葵盛荔景葵涌貨櫃碼頭等地。亦有拆分中葵涌出來,大概係大連排同東面山脈一帶。

葵涌原同荃灣係一體,所以葵涌各村都屬於荃灣鄉事委會員之下。到之後發展,葵涌亦都係荃灣新市鎮一部。1980年代,葵涌初期係歸荃灣區議會,到後尾荃灣,葵涌同青衣島人口太多,先同青衣夾埋做「葵涌及青衣區」,即係家下葵青區