和宜合

出自維基百科,自由嘅百科全書
Jump to navigation Jump to search

和宜合英文Wo Yee Hop)響香港荃灣北部,近城門,係,亦都係。和宜合個峽響大帽山南面山腰,原本叫狐狸峽,英國人測量新界嗰陣寫做Wo Li Hop,因為狐狸響傳統上唔係好動物,所以條村改過個好意頭名,和宜合。和宜合東有菠蘿凹,西有荃灣老圍。荃灣葵涌發展之後,峽南係梨本樹邨

狐狸峽集埋山水成,最後同埋幾個支流向南夾成葵涌,流入以前垃圾灣。家下象鼻山路以南全改成暗渠,垃圾灣已經係填地,山涌只淨返北面山坡。

英軍開過條路由荃灣老圍經狐狸峽,過菠蘿凹去城門,後尾條路變成象鼻山路,家陣係去城門隧道必經之路,而和宜合東面係城門隧道收費廣場。香港政府發展葵涌做新市鎮,響和宜合南面開山劈石,起梨木樹邨,亦都起咗條和宜合道由和宜合,經梨木樹邨,轉向石梨落葵涌中部,駁落青山公路

和宜合村仍然響原地,個谷北邊,面積比以前大。原本村耕地就響南面谷地,自成一角,不過家下已經起晒嘢。和宜合村可以由和宜合道,經和宜合里或者城門道入村,沿道可以入響菠蘿凹。坳度起咗條菠蘿壩閘住城門水塘嘅水。